Trơưk ntơư, thax tsav khov hur si đar zuôr luôs 128.250 ha, hâux lưv fuô lês nhoz hâur 8 xã: Ngọc Chiến, Chiềng Lao, Mường La, Chiềng Hoa, Xím Vàng, Tà Xùa, Suối Tọ thiaz Mường Cơi.

Têx hâux lưv zov chênhr zos moz siaz fuô kria, cxênhz yuôx têx ntâuz ntơưr, cxênhz har jôngr, hâux lưv huôv tsar nhiax txiax - xã hội, txux chi; cxênhz cêr tuôr xav thiaz têx dự án muôz nhiax lês hâux lưv chia cov tâu trơưk cêr tuôr xav. Tỉnh cux zuôr cxiv tsa ntâuz ntơưr trơưk fuô kria ntơưv UNESCO, lês tiar ntâuz ntơưr GIS, cêr tuôr xav saiz car huôv tsar truôx njês thiaz thiaz khov cov zuôr mair saiz car têx qơư por hưv đrox tsuôs, tsiax kuk.

Six hơưv lês hâux lưv tuôr xav txix 8/2026 txos hli 9/2027. Ntâuz ntơưr tuôr xav lês tiar hâux lưv cxênhz yuôx hâur têz qơưk uô ntêx hnuz 30/6/2027 thiaz tâu xa trâu Bộ Ngoại giao, Ủy ban Quốc gia UNESCO Việt Nam chia xa trâu Ban Thư ký ntơưv UNESCO nhoz trâu Paris uô ntêx hnuz 30/9/2027. Tov kaz xa ntâuz ntơưr, mak UNESCO zuôr cxênhz yuôx ntiax têz hâur ntu txix hli 10/2027 txos hli 6/2028.

Hur si têx nhiax tuôr xav lês hâux lưv mal 3,5 tỷ đaiv txix li nhiax têz qơưk, hâu ntơư shông 2026 muôz 500 triệu đaiv thiaz shông 2027 mal 3 tỷ đaiv.

Hâux lưv cxiv tsa ntâuz ntơưr chia por hưv jông đrox tsuôs, tsiax kuk hâur thax tsav, đros ntơư cxơưz paz muôx cêr siz khov thiaz gruô hu têx tus khênhx, paz pơưs paz huôv tsar nhiax txiax njuôz hur, truôx njês ntơưv tỉnh.