Jâus no, têx shuv xênhz tưz tâu kria pâuz cxuô tsưr ziv nhax pâuz cêr ruôv hiav trực tuyến, nziak nox số, uô têx zav tsik jông thiaz ruôr hiav txos tiz nênhs vax huôv sâuv huôz chuô mạng. Tsik tas li, đhâu Ntu uô jông mnôngs "5 phút côngv đros cur thav", têx shuv xênhz tsênhv tâu kria pâuz lok sâuv kror đros lês ntơưv cưk kria thiaz shuv xênhz. 

        Đhâu no, paz shuv xênhz nhax pâuz têx kror tsik jông sâuv huôz chuô mạng; por hưv zuk tus khênhx luz bê, qơư nhoz, haik luk jông, muôx phênhv shuôv thâuv sir zôngv mạng xã hội; pâuz tso tsês thiaz xar uô ntêx thâuv kria pâuz zuk đuôz, luz bê, qơư nhoz lok sik đros têx nênhs tsik pâuz thav.

Chia huôv tsar tsưr ziv por hưv nhaz xênhz số txos têx lớp cơưv thiaz cxiv tsa iz yar cơưv tsiv txiax, muôx txux chi, yar cơưv tưz tsa tơưv paz shuv xênhz zov chênhr “Đại sứ An toàn số yar cơưv”. 

Fuô chai “Tsik chia iz lênhs 2026” thiaz njiaz luk “Siz paz tsik chia trâus moz” tâu lês hâur hur si têz qơưk txix hnuz xiaz 10/10 txos 10/12/2026, chia por hưv jông têx mê nhuôv zâuk thâuv zôngv mạng, tâu têx uô niav uô txir, cưk kria thiaz nênhs lâuk mnôngs thiaz paz têx mê nhuôv zâuk; tuôx njiz cias cưk kria, tsêr nênhs, Tổ Kria pâuz shuv xênhz cêr xar lok sik Tổng đài Têz qơưk Por hưv mê nhuôv zâuk 111 thâuv xar tâu paz. Jâus no gruô hu cxuô lênhx cxuô tus zôngv mạng Internet muôx phênhv shuôv trâu zuk têx ndâux luk, kria pâuz, saiz hloz thiaz tsik ruôr hiav lưv tus sâuv huôz chuô số./.