Jâus no muôx têx đồng chí Thường trực Tỉnh ủy; têx đồng chí Ủy viên Ban Thường vụ Tỉnh ủy, Thường trực HĐPX, UBPX tỉnh; thơưx car cxuô sở, ngành ntơưv tỉnh.

Fuô lês jias uô hâux lưv, đồng chí Bí thư Tỉnh ủy haik mênhx: Shông 2026, tỉnh Sơn La tâu zok tsưr ziv sâu nju 8% nhiax txiax; chia uô tiar tsưr ziv no, sâu nju nhiax txiax hâur 3 hli kaz shông tsuv sâu tâu txix 13,85% tror sâuv. Trơưk li cêr xar tâu ntơư, Ban Thường vụ, Thường trực Tỉnh ủy tưz tso tơưv ntâu ntâuz ntơưr chox car, moz siaz uô trơưk têx tsưr ziv sâu nju nhiax txiax. Tỉnh cux đros tsêr luôv, tsưr tso nhiax uô đơưk tâu tâu sai têx cêr txov nhêv, khuôv đais hâur cêr chai cxưx nhiax uô; cxơưz huôv tsar kôngz lông, uô lax luôv thiaz zênhx max fuô lês têx dự án nziv uô tâu hâur 3 hli kaz shông. 

Đồng chí Bí thư Tỉnh ủy cxiz cov UBPX tỉnh thiaz cơ quan Cxênhz yuôx tỉnh kria pâuz, haik mênhx iz cxia cxênhx cxênhv cik txos hâux lưv lês tiar tsưr ziv sâu nju nhiax txiax 3 hli kaz shông thiaz hur si shông 2026. Trơưk ntơư, cxênhz đuô cêr uô tiar têx hâux lưv, cxiv tsa tsưr ziv sâu nju nhiax txiax thiaz tsov xav hâux lưv, tsưr ziv uô mênhx pêv tsuv moz siaz fuô lês, nhav nxias uô tiar tsưr ziv sâu nju nhiax txiax shông 2027 tưz tâu zok.

Ntơưv jias uô hâux lưv, thơưx car UBPX tỉnh kria pâuz hâux lưv fuô lês têx dự án gruô hu cxưx nhiax uô tưz tâu Ban Thường vụ Tỉnh ủy, Ban Chấp hành Đảng bộ tỉnh zênhv tso chai cxưx nhiax uô, cxiv kho cêr chai cxưx nhiax uô txix hâu ntu 2025–2030 txos nhiv no; đros ntơư haik mênhx hâux lưv đơưk cêr txov nhêv, khuôv đais trâu têx dự án truz ntêr, tsênhv tsik tâu uô tiar hâur thax tsav.

Đhâu cxênhz, hâur 10 hli shông 2026, hur si tỉnh tưz tso chai lês yiaz 47 dự án, xav hur si 94.087 tỷ nhiax. UBPX tỉnh cux kriz ntâu jias uô hâux lưv, đros têx tập đoàn, tsêr luôv txơưx uô nox, nto mông saz lax xor mông cxưx nhiax uô chia cxơưz cêr lax luôv, gruô hu cxưx nhiax uô hâur tỉnh. Nhiv no, têx tsưr tso nhiax uô taz tov tsov xav, khov fuô lês têx dự án; cxuô sở, ngành moz siaz kria pâuz cxênhx cxênhv, cêr chai, paz tsưr tso nhiax uô lês tiar ntâuz ntơưr thiaz dự án thâuv txâuk chai. 

Xav txos hnuz 22/10, tỉnh taz tov sox njôngr fuô lês 61 dự án nhoz 4 paz hâux lưv zov chênhr tưz tâu Ban Thường vụ Tỉnh ủy, Ban Chấp hành Đảng bộ tỉnh zênhv tso chai cxưx nhiax uô, cxiv kho cêr chai cxưx nhiax uô, xav hur si pênhr sâu bê xuz thơưx 114.441 tỷ nhiax. Phênhv ntâu têx dự án taz tov hâur ntu uô tiar cêr chai bax cxưx nhiax uô, cxiv tsa ntâuz ntơưr cxênhz yuôx đêx ar huôz chuô cêr ruôr hiav thiaz thêv nhiax ar, shôngz ntông, tsov xav piz uô txix kaz shông 2026 txos shông 2027.  

Lok sâuv hâux lưv đơưk têx dự án cêr txov nhêv, khuôv đais, hâur thax tsav tỉnh muôx 121 dự án, li: 75 dự án sir zôngv pênhr nhiax tus khênhx, 46 dự án sir zôngv pênhr nhiax têz qơưk. Txos hnuz 22/10, hur si tỉnh tưz uô tiar hâux lưv đơưk cêr khuôv đais trâu 98 dự án; muôx tsưr ziv đơưk cêr chor nhov trâu 23 dự án.

Câuk luk jâus uô hâux lưv, đồng chí Hoàng Văn Nghiệm cxiz cov cxuô cấp ủy, tổ chức đảng, cơ quan, đơn vị hâur tỉnh fuô lês ntov nti têx ntâuz ntơưr chox car ntơưv Ban Thường vụ Tỉnh ủy lok sâuv sâu nju nhiax txiax. Đảng ủy UBPX tỉnh chox car UBPX tỉnh cxiz cov cxuô sở, ngành, đơn vị cik txos đros tsưr tso nhiax uô siz chos zênhx max lês tiar têx cxênhx cxênhv, cêr chai; đơưk tâu sai cêr txov nhêv, khuôv đais lok sâuv tsov xav, đêx ar, yaik qơư nhoz yiaz, paz uô tiar têx dự án tưz tâu tso chai cxưx nhiax uô, lar haik têx dự án muôx pênhr xưv uô tâu trơưk li txox cêr bax hâur 3 hli kaz shông  2026.

Tror paz tsêr luôv, zênhx max đơưk tâu sai têx hâux lưv zos li vax huôv tâu zok, paz zôngx ziv huôv tsar kôngz lông, uô lax luôv thiaz fuô lês dự án hâur thax tsav; tsik chia lês kênhz uô pôngz six hơưv cxưx nhiax uô, tuôr thênhv txos cêr sâu nju nhiax txiax ntơưv tỉnh trâu têx hli kaz shông 2026 thiaz têx shông zuôr txos. Moz siaz chox car tu tiar tâu sai têx dự án uô kênhz, truz ntêr hnuz nhôngs tsik tâu tu cêr txov nhêv, khuôv đais; paz uô ntêx trâu têx dự án paz sâu nju nhiax txiax 3 hli kaz shông 2026. Đros ntơư, tsik so fuô lês cxuô dự án, kênh nhiax uô têz qơưk hâux lưv; tsik tsês saiz car sâu nhiax txiax têz qơưk, nhav nxiak sâu nhiax cov zos, cov txưv, zênhx max têx nhiax sâu zos chai. 

Đros trâu sâu nhiax sir zôngv ar, cxênhz yuôx yênhx thax ar, dự án, lês tiar cêr chai ntâuk gri muôs, zok ar, muôz ntiar ar, cxiz njôngr sâu, thêv nhiax zênhx max trâu tsêr nhiax Têz qơưk, sir jos uô tiar tsưr ziv sâu nhiax sir zôngv ar shông 2026.

Uô jông hâux lưv saiz car tus gri hâur têx hli kaz shông 2026; tưx cxiv tsa tsưr ziv bax txâuk hax huv zov chênhr muôs; fuô lês muôx kaz hâu têx hâux lưv tsưx jông cêr lax luôv, siz txuôk nênhs uô tơưv thiaz nênhs xar zuôr huv, cxơưz cêr lax luôv thiaz têx tsưr ziv paz muôs thôngz hax huv; tsik chia tsik muôx txâuk huv muôs ntêr hnuz lok sik ndê gri tsik fiv huv lar haik hâur têx hli kaz shông. Sox njôngr tsưr ziv uô nox, hax huv muôs, tiz nênhs cêr xar zuôr thiaz gri chuôz zênhx cxiv puôz hâur thax tsav tỉnh muôx ntâu txơưr txar; zênhx max fuô gri chuôz zênhx cxiv puôz zos chai, fiv huv luz nênhx. Fuô lês ntov nti têx tsưr ziv chia tsưx jông gri chuôz zênhx cxiv puôz zov chênhr; muôx tsưr ziv sir zôngv, saiz car ntov nti têx zav muôx txơưv nhoz hâur đruôz ar, chuôz zênhx cxiv puôz, tsik chia tsar gri tsik fiv huv thiaz bax tsik txâuk huv muôs.

Đros trâu côngz xưv cxênhz yuôx, đồng chí Bí thư Tỉnh ủy cxiz cov cơ quan Cxênhz yuôx tỉnh, têx sở, ngành thiaz UBPX cxuô xã, phường tsik so siz chos lês, sâu tsês cxix cxuô têx ntâuz ntơưr, cxênhz shuôk; tsik chia sâu tsik txưv têx hâux lưv nhiax txiax tưz uô tâu, têx huv xav tơưv thiaz tus gri muôx tias muôx nzir, nhav nxias kria pâuz cxix cxuô, mênhx pêv hâux lưv uô tâu hâur sâu nju nhiax txiax ntơưv tỉnh.

Têx đồng chí Ủy viên Ban Thường vụ Tỉnh ủy, Ủy viên Ban Chấp hành Đảng bộ tỉnh, thơưx car cxuô sở, ngành, cơ quan, đơn vị thiaz têx xã, phường, lar haik thơưx car, tsuv uô tiar phênhv shuôv, tsik thơưz, tsik jav luz luôs hâux lưv trâu lưv tus; tsik chia lês hâux lưv kênhz, tsês ntêr hnuz nhôngs tsik tâu tu. Yênhx tus khênhx tsuv nhav phênhv shuôv trâu Ban Thường vụ Tỉnh ủy thiaz cấp muôx vax huôv lok sâuv uô txos tưs, uô jông uô, muôx kaz hâu trơưk li hâux lưv tâu zok saiz car, sir jos uô tiar têx tsưr ziv shông 2026 tưz tso tơưv.