Oz ziv nênhs tâu paz zos zơưs Tống Xênhv Shôngx, jok Lũng Khoai thiaz zơưs Jav Xênhv Vax, jok Trò. Yênhx luz tsêr đar txix 70 thiar xưv phaz tror sâuv, vor vuôk txiak, kuô tsêr xi măng, txâuk chai trâu têx ziv nênhs nhoz; Tsêr nhiax TMCP Cxưx nhiax thiaz Huôv tsar Việt Nam (BIDV) Chi nhánh Sơn La thiaz Nhiax viv nênhs pluôs xã Suối Tọ paz 50 triệu nhiax/luz tsêr. Hâur ntu cxiv puôz, cấp ủy, nov hâu, Ủy ban MTTQ Việt Nam, têx đoàn thể thiaz pêx xênhv thax tsav tưz moz siaz paz hnuz jos, xa chuôz zênhx cxiv puôz muk lok. 

Jâus no, xã Suối Tọ muôx 30 ziv pluôs, jê cêr pluôs muôx luz nênhx txov nhêv lok sâuv tsêr nhoz tâu paz cxiv puôz, xav hur si yax 1,8 tỷ nhiax, txix nhiax pênhr pêx xênhv sơưr đơưk côngv nhiax paz ntơưv Công an trôngx lôngs Yar yêz za Ntiax têz Nội Bài, BIDV Chi nhánh Sơn La, Pênhr Viv nênhs pluôs xã Suối Tọ thiaz nhiax pênhr têx Hâux lưv têz qơưk. Nhiv no, 2 ziv nênhs tưz cxiv puôz tiar tsêr nhoz, đuô li 28 ziv nênhs taz tov tâu cxiv puôz.

Ntơư zos hâux lưv muôx txiax njis zov chênhr fuô lês Hli “Viv nênhs pluôs” shông 2026, kria pâuz kror moz siaz paz ntơưv cấp uỷ, nov hâu thax tsav thiaz côngv têk uô ntơưv têx tổ chức, đơn vị, nênhs siaz jông hâur côngz xưv por hưv pêx xênhv luz nênhx hlôngr yiaz, paz têx ziv pluôs, jê cêr pluôs muôx qơư nhoz truôx njês, tso siaz huôv tsar kôngz lông, hla đhâu cêr pluôs./.