Cxiax cxênhv muôx cêr lês ntơưv jê 200 tus cưk txux têx yar cơưv, thôn, jok zuk thax tsav. Têx cưk txux tưz nthuôr 10 jax cưr cxiax, sênhr chêr jông kruôk txos Đảng, Hloz Hôx hmor yuô, jêx jok, têz qơư, cênhz cưv cách mạng. Ntâu jax cưr cxiax sênhr chêr tâu cxiv tsa cxix, chia gas siaz têx nênhs saiz shuôk li: Trơưk Đảng muk tiax đras, Têz qơư sâuz jax, Sơn La trôngx têz hmor yuô, Sơn La jax cưr cxiax ntux yiaz, Txux chi tox siaz, Nênhs tox siaz li ntơư...

Hâur cxiax cxênhv, tưz kriz phênhv tưr suôx câuv hnar tsôngk jông tiz nênhs đros trâu 6 tus nênhs tưr tuôx ntơưv lưv txuôk nzir. Cxuô tus nênhs tưr nthuôr siv, kria têx jông gâux ntơưv tsôngk hnar cênhz cưv. Iz gơưv tsôngk muôx xiv, nria tơưs pax jênhk thiaz gas siaz txơưr, paz max saiz hloz txux chi cxuô zav nênhs. Ban giám khảo tso điểm tsi njênhk têx cêr xav: Txux chi tiz nênhs; kror tsênhz, fiv huv ntơưv tsôngk hnar; kror jông saiz, txơưx xav fiv tsôngk hnar hlar yiaz; nênhs nthuôr piar lul, cêr njênhs, txơưx fiv thiaz pênhr xưv uô tsưr sâuv yar tiax. Thênhv tso điểm trâu phênhv tưr ntâu yax mak 100 điểm. Cêr xav zênhx muôx 1 zênhx A, 2 zênhx B thiaz 3 zênhx C. Jâus choz zênhx tưz kriz trâu hmo 25/10.