Côngv jias kriz muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Nguyễn Trọng Hổ, Phó Cục trưởng Cục TDTT Việt Nam; têx đồng chí Ủy viên Ban Thường vụ Tỉnh ủy, Ủy viên Ban Chấp hành Đảng bộ tỉnh; thơưx car HĐPX, UBPX, Ủy ban MTTQ Việt Nam tỉnh; thơưx car Sở Txux chi, Thể thao thiaz Nuôv zax tỉnh Điện Biên; thơưx car têx sở, ban, ngành, đoàn thể thiaz lực lượng vũ trang tỉnh; thành viên Ban Chox car, Ban tổ chức Đại hội, têx vận động viên thiaz chôngz lênhx pêx xênhv.

Luôs hâux lưv Kriz Đại hội TDTT tỉnh Sơn La jâus tiv 10 shông 2026 tâu tso cias trâu sơưr đơưk saiz sâuv yôngx Snews thiaz têx xor mông ntơưv Báo thiaz Xor tôngx chuô, xa đuôz Sơn La.

Kriz zos jias gra qix Têz qơưk, gra đuôz zơưv Côngz Hôx, têx zav jông hâur Đại hội thiaz paz hồng kỳ; đros trâu cêr côngv têk ntơưv 39 paz vận động viên thiaz têx nênhs cxênhz yuôx; hâux lưv hlơưr tês tsâu chia kriz đại hội; chos luk ntơưv têx vận động viên, têx nênhs cxênhz yuôx jias siz tưr.

Đại hội TDTT tỉnh Sơn La jâus tiv 10, shông 2026, muôx cêr côngv têk ntơưv yax 3000 cán bộ, huấn luyện viên, vận động viên; têx paz siz tưr 12 môn tưr, li: Truz luô, lâuz pak, tuô nênhr, por poz, pickleball, bóng trôngx, ntâuk ntir kaiz, ndơưk bóng, ndơưk ntir kaiz, Taekwondo, ntâuk bóng thiaz đhia chênhr. Hâu ntơư, 8 môn tưr tưz tưr tiar uô ntêx kriz đại hội. 4 môn tưr đuô li zos đhia chênhr, ndơưk ntir kaiz, ntâuk bóng thiaz Taekwondo zuôr siz tưr tov kaz piz kriz.

Đại hội TDTT cxuô cấp zos jias grâuv pax txux chi - thể thao lox ntơưv pêx xênhv cxuô hair nênhs hâur tỉnh, cxơưz paz lês jông cêr siz tưr TDTT huôv tsar đêz đar, truôx njês. Đại hội cux zos jias chia têx vận động viên tâu siz njiz, siz chos cơưv shâuv tsưr ziv, nthuôr huôv tâu jông jias siz tưr thể thao “Thôngx siaz - Lês tâu hâux lưv jông - Lês ntov chai”; đhâu ntơư xair tâu têx vận động viên coz, kria nzir tsưr ziv chia chia côngv têx jias tưr thể thao têz qơưk thiaz oz chas têz.

Muôx luk hâur jias Kriz, đồng chí Phó Chủ tịch Thường trực UBPX tỉnh, haik mênhx: Thâuv tsênhv uô nênhx nhoz, Chủ tịch Hồ Chí Minh puôr lênhx moz siaz txos trâu hâux lưv cơưv shâuv đas jos. Zơưv Côngz Hôx tưz kruôz kria: “Pêx xênhv muôx đas jos têz qơưk huôv tsar”. Lês trơưk zơưv Côngz Hôx têx luk kria, hâur têx shông đhâu, tỉnh Sơn La puôr lênhx moz siaz huôv tsar xưv cxênhx thể dục thể thao, iz thênhv jux juk por hưv đas jos thiaz paz trâu pêx xênhv luz nênhx tâu jông đuô. Cêr siz tưr thể dục thể thao zênhv hnuz zênhv lês nto mông đêz đar, đros trâu Jias zaz zâuv “Hur si pêx xênhv cơưv shâuv cov muôx đas jos trơưk tsov iar Zơưv Côngz Hôx”.

Đại hội tưz tsik zos hnuz grâuv pax kruôk txos đas jos thiaz cêr thôngx siaz ntơưv pêx xênhv cxuô hair nênhs hâur tỉnh xưz, mak tsênhv zos jias chia têx vận động viên tâu siz njiz, siz chos cơưv shâuv tsưr ziv, đhâu ntơư cxênhz pov, kria nzir tsưr ziv chia tso nhoz trâu têx paz thể thao ntơưv tỉnh. Đros trâu njiaz luk “Muôx đas jos chia cxiv tsa thiaz por hưv Têz qơưk”, Đại hội zuôr tror lês nto mông cêr siz tưr cơưv shâuv thể dục thể thao, cxiv tsa tiz nênhs Sơn La muôx đas jos, huôv tsar cxix cxuô, paz max trâu hâux lưv huôv tsar ntơưv tỉnh.

Đồng chí Phó Chủ tịch Thường trực UBPX tỉnh cxiz cov Ban tổ chức chox car Đại hội truôx khor, fiv huv; têx trọng tài zuôr tsuv lês hâux lưv trâu sơưr đơưk pov njôngr, trơưk đraiv chai, têx vận động viên nthuôr huôv jông cêr thôngx siaz, siz tưr tas siaz njưk chia cov tưr tâu jông. Têx cơ quan, đơn vị cik txos siz khov por hưv njias to thax tsav thiaz nhaz xênhz hâur hur si jias kriz  Đại hội. Hâur jias piz kriz, muôx 200 lênhx nênhs nhoz hâur Câu lạc bộ Tiger Sơn La thiaz têx câu lạc bộ thax tsav tưz nthuôr txux chi lov jêv ntưk, cxơưz jos trâu têx paz vận động viên sir jos siz tưr cov tâu jông hâur têx hnuz zuôr txos.

Cias tov kaz jias kriz zos jias siz tưr ndơưk bóng txix li paz tưr Công an tỉnh thiaz Bộ Chỉ huy Quân sự tỉnh. Đros trâu cêr thôngx siaz, oz paz tưr tưz siz tưr lov jêv ntưk. Đại hội Thể dục thể thao tỉnh Sơn La jâus tiv 10, shông 2026 zuôr tâu kriz txix hnuz 27 txos hnuz 30/10/2026 đros trâu 4 môn siz tưr tov kaz kriz, li: Đhia chênhr, ndơưk ntir kaiz, ntâu bóng thiaz Taekwondo.

 Iz cxia đuôz hâur jias piz kriz: