Jias cơưv, muôx têx đồng chí Phó Chủ tịch UBPX tỉnh; nov chox car cxuô sở, ban, ngành ntơưv tỉnh. Jias cơưv no, tâu kriz thôngz cxuô xã, phường đros cơưv.

Hâur luz 10 hli, cxuô cấp, cxuô ngành tưz trâu siaz njo lês siz luôs jok têx hâux lưv huôv tsar nhiax txiax - xã hội. Tas nro têx hax huv muôs sâu tâu 4.650 tỷ nhiax; têx hax huv muôs muk oz chas têz qơưk sâu tâu 36 triệu 630 cxênhz đô la; têx nhiax sâu tâu hâur thax tsav nto 481 tỷ 300 triệu. Tỷ tsôngv zok nhiax uô têx hâux lưv têz qơưk xav txos hnuz 21/10 txênhz yax 53% tâu zok. Cxênhz côngz xưv gruô hu pênhr tror tâu trâu siaz njo lês; tưz cir 47 dự án cxưx nhiax, tas nro têx nhiax chos luk zôngv nto 94.087 tỷ nhiax. Cxuô zav lok sâuv txux chi, choz kria, njuôk kho moz thiaz paz pêx xênhv muôx txâuk sir txâuk zôngv tâu lês siz luôs jok; kriz yênhx côngz hnuz grâuv pax Cà phê Sơn La jias tiv oz shông 2026. Tsưx hưv truôx cêr nhaz xênhz; lês jông hâux lưv đros têz qơưk đrâuk siz khov.

Ntơưv jias cơưv, têx đại biểu siz chos saz lax ndâux luk trâu dự thảo báo cáo, têx ntơưr, quyết định, tờ trình lok sâuv iz cxia chai sir zôngv tsưx hưv cêr nhaz xênhz, yêz tâus cêr; paz bâuv li chak yênhx hli trâu têx nênhs lês hâux lưv kho moz thôn, jok, tổ pêx xênhv; paz bâuv li chak yênhx hli trâu têx cộng tác viên toz hâu nênhs; paz têx nênhs têz qơưk muôx chai paz zuôr tsêr, ntiar tsêr hâur thax tsav tỉnh.

Câuk luk, đồng chí Nguyễn Đình Việt cxiz cxuô cấp, cxuô ngành, cxuô qơư lês hâux lưv trơưk đraiv phênhv shuôv, fuô lês zênhx max têx hâux lưv tâu zok; cxênhz yuôx ntov nti thiaz cxiz uô sai cxuô zav hâux lưv trơưk vax huôv, zok mênhx hâux lưv mênhx nênhs, mênhx phênhv shuôv, hnuz nhôngs thiaz vax huôv, yênhx zav hâux lưv. Trâu siaz njo zok sai têx nhiax pênhr têz qơưk; bax zok têx nhiax pênhr trơưk yênhx luz hli, pêz luz hli zok iz jâus, sir jos zok cov tiar 100% pênhr nhiax shông 2026 tâu trơưk li Thủ tướng Chính phủ zok. Iz chas ntơư, cxênhz yênhx zav hâux lưv; saz lax tu cov tiar têx cêr phiv liv uô têx dự án tuôr thênhv ntêr; xav mênhx phênhv shuôv yênhx tổ chức, tus khênhx hâur ntu lês hâux lưv.