Yar cơưv Cao đẳng Kỹ thuật Công nghệ Sơn La nhiv no taz tov kria cao đẳng, trung cấp, sơ cấp ntâu ngành nghề, li: Công nghệ ô tô, điện công nghiệp, quản trị mạng máy tính, công nghệ thông tin, hav thiaz kỹ thuật cxiv puôz… Fênhx đraz iz shông, yar cơưv kria yax 2.000 lênhx; kria txix trung cấp ndê cao đẳng thiaz têx khóa tsar yêz ô tô cxuô zav, paz têx nênhs uô hâux lưv zênhv hnuz zênhv tâu cơưv siaz txơưx uô hâux lưv.

Zơưs Nguyễn Văn Hùng, Hiệu Trưởng Yar cơưv, haik: Xav mênhx thâuv cơưv tas nriar tâu hâux lưv uô thiaz txơưx uô hâux lưv zos kror tsênhv chênhz yax, yênhx shông, yar cơưv cxênhz, kho thiaz nzir iz cxia hâux lưv trơưk chai hâux lưv têz qơưk, sir zôngv khoa học kỹ thuật thiaz công nghệ yiaz paz max. Txos nhiv no, 100% ngành nghề ntơưv yar cơưv tâu choz kria trơưk cêr huôv tsar, shâuv ntâu đuô; 100% môn cơưv muôx ntơưr yuôz kria trơưk hâux lưv ntơưv têx tsêr luôv thiaz cêr siz khov ntiax têz. Txix hlôngr yiaz siz luôs, shông cơưv 2025 - 2026, Côngz xưv choz kria cao đẳng, trung cấp ntơưv yar cơưv muôx nênhs cơưv chôngz đuô tỉnh zok; têx shâuv xênhz cơưv tas txênhz 97%.

Zos ngành taz tov muôx nênhs cơưv chôngz yax, ngành Công nghệ ô tô tâu yar cơưv kria shâuv hâux lưv 70% thiaz cơưv 30% ntơưr, paz têx nênhs cơưv txơưx uô hâux lưv. Đros đraiv têx hâux lưv ntơư, yar cơưv tưz muôz nhiax uô vax tsê uô qơư shâuv muôx cxuô zav yêz têx zav tov thơưx txos têx yêz jông, cxơưv chuôz zênhx njuôk máy thiaz njuôk tsov tsik so têx zav yiaz lok sâuv yêz ô tô điện, têx chuôz zênhx jông paz max hâux lưv choz kria.

Zơưs Nguyễn Ngọc Sơn, Thơưx khoa Công nghệ ô tô, thông tin, haik: Xav mênhx phênhv shuôv tsênhv chênhz yax hâur luz luôs hâux lưv choz kria mak kria cov tâu têx nênhs siaz ndax, txơưx uô hâux lưv, đros têx tsêr luôv, trung tâm kho yêz ô tô lox hâur tỉnh thiaz oz chas saz lax, kho têx njiaz luk choz kria fiv huv têx nênhs ntiar jos. Hâux lưv shâuv kho cias têx chuôz zênhx jông thôngx li têx chuôz zênhx uôk têx tsêr luôv zôngv chia paz shâuv xênhz txơưx uô hâux lưv cias thâuv cơưv tas ntơưv yar cơưv.

Iz chas cơưv shâuv cias ntơưv xưởng, yar cơưv tsênhv đros têx tsêr luôv siz khov chia nriar hâux lưvvtrâu têx nênhs tưz cơưv tas cov muôx hâux lưv uô. Yar cơưv đros têx công ty, tập đoàn lox siz khov hâur tỉnh thiaz oz chas chia kriz lớp kria trơưk siz chos luk chia chox shâuv xênhz muk shuôk cơưv shâuv. Txix shông 2025 txos nhiv no, yar cơưv tưz chox tâu zuôr luôs 500 lưv tus shâuv xênhz muk cơưv nzir tsưr ziv uô hâux lưv, yax 200 lưv hâur tỉnh thiaz 286 lưv muk cơưv ntơưv têx tsêr luôv lox oz chas tỉnh, li: Công ty Honda Việt Nam, Công ty Ô tô Toyota Việt Nam, Công ty TNHH VAP (Hưng Yên), Công ty TNHH Nguồn nhân lực Tâm Việt… Tâu muk shuôk, cơưv têx chuôz zênhx jông thiaz shâuv pênhr xưv lês hâux lưv công nghiệp, ntâu tus nênhs cơưv tưz nzor truôx siaz lês hâux lưv cias thâuv tsênhv cơưv hâur yar cơưv. Nhiv no, yax 90% nênhs cơưv ntơưv yar cơưv muôx hâux lưv uô truôx njês, iz hli tâu txix 12 - 15 triệu nhiax.

Shâuv xênhz Quàng Tuấn Tú, lớp Cao đẳng Công nghệ ô tô K13, haik: Tâu têx cưk kria uô jông kria cxuô zav chuôz zênhx thiaz têx chuôz zênhx njuôk tsov, tâu Yar cơưv paz tâu shâuv hâux lưv ntơưv Công ty Honda Việt Nam, nzor tâu shâuv uô hâux lưv. Suôx câuv jias shâuv hâux lưv, tâu kruôk zos uô hâux lưv coz, mal tâu txix 10 - 12 triệu nhiax/hli thiaz tsênhv tâu tsêr luôv chos luk zuôr uô hâux lưv cias thâuv cơưv tas.

Trơưk chai “Choz kria têx zav nhiv no muôx ntâu qơư zuôr uô hâux lưv, tsik zos kria têx zav yar cơưv muôx”, ntu no muk, Yar cơưv Cao đẳng Kỹ thuật Công nghệ Sơn La tror hlôngr số paz max, cxơưv nzir chuôz zênhx yiaz, kriz đar đros têx tsêr luôv siz khov kria trơưk chos luk thiaz kriz nzir ngành nghề yiaz fiv huv ntu huôv tsar nhiax txiax, cov muôx nzir nênhs txơưx kỹ thuật uô hâux lưv trâu tỉnh thiaz thax tsav Tây Bắc.