Jâus no muôx têx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh Sơn La; cxuô đồng chí Ủy viên Ban Thường vụ Tỉnh ủy, thơưx car UBPX tỉnh thiaz nov car iz cxia sở ngành oz tỉnh.

Ntu 2022 - 2026, cêr siz trâus jông hâur tỉnh Sơn La thiaz tỉnh Xay Sổm Bun tror tâu txuôs jông, cxiv tsa thiaz huôv tsar. Oz tỉnh tưz tưx cxiv tsa tsưr ziv fuô lês têx cxênhx cxênhv hâur Đaiv ntơưr siz khov sâu bê chos luk, lar haik hâur choz kria tiz nênhs, kho moz, nhav nxias tsưx truôx thax tsav nhoz njias to thiaz đros pêx xênhv thav uô tâu ntâu hâux lưv muôx kaz hâu. Oz tỉnh txuôs jông têx hâux lưv saz lax, siz khov đoàn cxuô cấp yênhx shông chia kria pâuz tsưr ziv chox car, saiz car thiaz cxơưz cêr siz khov lok sâuv huôv tsar kôngz lông sir zôngv chuôz zênhx jông. Tỉnh Xay Sổm Bun tưz xair têx paz côngz xưv ntơưv ngành kôngz lông har jôngr tuôx shuôk, cơưv shâuv têx tsưr ziv huôv tsar kôngz lông hov jông ntơưv Sơn La. Tỉnh Sơn La taz nhav 196 shuv xênhz ntơưv tỉnh Xay Sổm Bun tuôx cơưv ntơưr, tâu cơưv têx yar cơưv cao đẳng, đại học, liên thông đại học, thạc sĩ, trung cấp lý luận chính trị thiaz kria nzir luk Việt. Tsôngv vũ trang oz tỉnh tưz tsik so siz chos saz lax xor mông, cêr pâuz đhâu lok, hlôngr yiaz tsưr ziv tu tiar tâu sai cxuô txuz plâuz cik txos têx nênhs cxâuv; tir tar têx nênhs tsik jông xar ruôr hiav txos pêz têz qơưk, paz tsưx truôx chính trị yênhx luz tỉnh nhoz njias to, chox tâu cêr thôngx siaz, siz trâus jông Việt Nam - Lok Tsuôk.

Muôx luk phôngv côngz Paz đại biểu tỉnh Xay Sổm Bun, đồng chí Hoàng Văn Nghiệm lok six shir phaz tâu taz Paz côngz xưv tuôx shuôk, uô hâux lưv thiaz sâu bê chos luk siz khov ntu 2026–2029 trâu tỉnh Sơn La. Đros ntơư haik mênhx, ntơư zos jias zov chênhr chia oz tos côngv yaz đuô têx hâux lưv uô tâu, saz lax haik mênhx têx hâux lưv tsuv moz siaz txos; thôngz ndâux luk thiaz sâu bê chos luk fuô lês têx cxênhx cxênhv siz khov fiv huv kror muôx tias hâur luz nênhx thiaz cêr muôx liv ntơưv yênhx luz tỉnh. Sơn La xar cov oz tỉnh tror txuôs jông, bôngs cêr thôngx siaz, siz trâus jông thiaz iz tus njênhs njôngr iz tus; đros ntơư, moz siaz cxơưz cêr siz khov fuô lês cxuô hâux lưv muôx ntâu xênhz txơưv thiaz cêr muôx liv trơưk faz muôx kaz hâu. Tsik so fuô kria xor mông, kria pâuz tsưr ziv uô côngz xưv cxiv tsa Đảng, cxiv tsa cêr chai ndêx ntus chính trị thiaz saiz car, chox car huôv tsar nhiax txiax- xã hội; kriz đar cêr siz khov lok sâuv uô lax luôv, cxưx nhiax uô, huôv tsar kôngz lông, choz kria ntơưr, kho moz, txux chi, nuôv zax. Siz chos fuô lês ntov nti côngz xưv tsưx truôx thax tsav nhoz njias to, tir tar têx nênhs cxâuv; zênhx max saz lax xor mông, côngv tu tiar tâu sai têx hâux lưv muôx nzir, paz tsưx truôx cêr njias to chia côngv huôv tsar.

Đồng chí Bí thư Tỉnh ủy, Chủ tịch HĐPX tỉnh Xay Sổm Bun lok six uô thơưx car tỉnh Sơn La tsâus ntâu tưz uô jông taz paz côngz xưv; kror moz siaz paz ntơưv tỉnh Sơn La trâu cxuô hâux lưv hâur ntu đhâu. Đros ntơư, xar cov tỉnh Sơn La tror đros tỉnh Xay Sổm Bun siz khov uô cxuô zav hâux lưv, lar haik siz chos choz kria tiz nênhs; cxiv tsa têx tsưr ziv huôv tsar kôngz lông; nthuôr têx hâux lưv txux chi, haik cưr cxiax, taz têx paz côngz xưv ntơưv oz tỉnh tuôx shuôk, saz lax tsưr ziv uô côngz xưv saiz car têz qơưk lok sâuv nthuôr txux chi, thể thao thiaz nuôv zax... paz huôv tsar nhiax txiax- xã hội yênhx thax tsav, cxơưz bôngs cêr thôngx siaz siz trâus jông hâur oz têz qơưk Lok Tsuôk- Việt Nam.

Ntơưv jias Saz lax, oz tỉnh tưz saz lax, thôngz ndâux luk, sâu bê siz khov ntu 2026-2029, moz siaz fuô lês têx cxênhx cxênhv: Tror siz chos zaz zâuv đêz, đar cêr thôngx siaz, siz trâus jông Việt Nam - Lok Tsuôk haik tas nro, tỉnh Sơn La thiaz tỉnh Xay Sổm Bun haik khênhx. Siz chos kriz têx hâux lưv phôngv côngz têx cxênhx xưv zov chênhr hâur cêr thôngx siaz siz trâus jông oz têz qơưk, lar haik saiz hloz 65 shông Hnuz siz khov thiaz 50 shông Hnuz sâu bê Chos luk Siz trâus jông thiaz Siz khov Việt Nam - Lok Tsuôk shông 2027. Tror siz chos fuô kria xor mông nhav nxias tsưx truôx cêr njias to, tsik so tir tar têx nênhs cxâuv hâur thax tsav oz tỉnh. Tsik tsês siz chos fuô kria xênhz txơưv, cêr muôx liv ntơưv oz tỉnh; nthuôr têx jias kriz ciaz cxơưz cêr lax luôv; cxiv tsa têx tour nuôv zax hâur oz tỉnh, kria cxuô kror qơư pâuz thax tsav têx qơư nuôv zax jông. Siz chos tsov xav fuô lês xair tsov, choz kria tiz nênhs uô hâux lưv trơưk cêr xar thiaz têx khor taz tov muôx nhiv no ntơưv yênhx luz tỉnh. Tsik tsês kriz têx hâux lưv nthuôr txux chi, haik cưr cxiax, tok njôngr têx paz côngz xưv ntơưv oz tỉnh  tuôx shuôk, saz lax cơưv shâuv tsưr ziv hâur côngz xưv saiz car têz qơưk lok sâuv hâux lưv nthuôr txux chi, thể thao thiaz nuôv zax.