Côngv luôs hâux lưv muôx đồng chí Nguyễn Thành Công, Phó Chủ tịch UBPX tỉnh; thơưx car têx sở, ngành cik txos. Jias cơưv tâu kriz yưv tivi txos xã Mường Bang; Mường Cơi thiaz Công ty TNHH Xuân Thiện Ninh Bình.

Jias piz lês Dự án Tênhz điện tích năng Đông Phù Yên tuôr xav kriz trâu hnuz 14/11/2026 hâur thax tsav dự án nhoz ntơưv xã Mường Bang. Dự án zos Công ty TNHH Xuân Thiện Ninh Bình muôz nhiax lês, xav uô tâu 1.200 MW, nhiax lês hâux lưv tas yax 27.870 tỷ đaiv, fuô lês hâur têx xã Mường Bang, Mường Cơi. Dự án tưz tâu UBPX tỉnh tso chai lês.

Côngz xưv bax kriz lês hâux lưv tưz tâu têx sở, ngành, đơn vị fuô lês, tsi njênhk cxix cxuô lok sâuv qơư kriz, ntâuz ntơưr, njiaz luk nthuôr txux chi, sênhr chêr; tsưr ziv taz đại biểu; bax txâuk điện, đêx, por hưv cêr nhaz xênhz.

Hâur jias cơưv, têx đại biểu tưz moz siaz saz lax cêr tuôr xav kriz jias piz lês nuv; tsưr ziv tok têx đại biểu, qơư jâuv, côngz xưv fuô kria, por hưv njias to thax tsav, por hưv đêx ar, huôz chuô nyiaz hur thiaz qơư kriz lês hâux lưv cov jông, muôx txiax njis.

Muôx luk hâur jias uô hâux lưv, đồng chí Chủ tịch UBPX tỉnh haik mênhx, hâux lưv piz lês Dự án Tênhz điện tích năng Đông Phù Yên muôx txiax njis zov chênhr hâur gruô hu muôz nhiax lês hâux lưv, chuôz jos chia huôv tsar nhiax txiax ntơưv tỉnh. Đồng chí cxiz cov têx sở, ngành, thax tsav thiaz nênhs lês hâux lưv moz siaz lês jông têx hâux lưv tâu zok; zênhx max lês tiar ntâuz ntơưr chia kriz lês hâux lưv. Đros ntơư, cxiv tsa tsưr ziv por hưv cêr nhaz xênhz, por hưv tsav yêz muk lok nhaz xênhz, gruô hu têx nênhs hâur thax tsav Phù Yên côngv paz lês hâux lưv. Haik txos xã Mường Bang thiaz xã Mường Cơi zuôr tsuv siz khov lês tiar ntâuz ntơưr cik txos đêx ar uô ntêx hnuz 10/11.