Saz nênhs cxiv tsa muôx nênhs hlôngr njêx muôs iz cxia tsêr luôv nhoz têz qơưk Ấn Độ, Công ty cổ phần Sao Thái Dương thiaz Công ty Đầu tư TD Việt Nam.

Ntơưv jâus uô nuv, hlôngr Nênhs cxiv tsa kria cêr xav, qơư thiaz faz huôv tsar Thax siz côngv Tsêr máy uô tơưv Bio-Methanol, Tsêr máy uô tơưv luz tsuôv trâur shôngz njuôz, nus txos pênhr xưv cxiv tsa Tsêr máy uô tơưv luz tsuôv trâur shôngz njuôz ntơưv tỉnh Sơn La. Trơưk faz xav uô ntêx, thâuv uô nuv, Thax tsav siz khov tsov xav khov zuôr tas li 5.000 tấn shôngz/hnuz thiaz uô tơưv 2.300 tấn Bio-Methanol/hnuz, muôx nhiax luôv sâu lok yax 300 triệu nhiax đô lax yênhx shông. Têx shôngz tsov xav zuôr ntâu ntơưv Sơn La thiaz têx thax tsav muôx shôngz tỉnh txơưr.

Công ty CP Cxiv tsa Sao Thái Dương zos công ty uô ntêx tsov xav huôv tsar uô tơưv cxuô zav huv txix li shôngz ntơưv Việt Nam. Công ty tưz muôx tsêr máy uô tơưv txias shôngz tsuôv công nghiệp ntơưv xã Mai Hạ, tỉnh Phú Thọ. Nhiv no, Công ty taz tov đros iz cxia tsêr luôv ntơưv Ấn Độ thiaz têx nênhs uô luôv ntiax têz tsov xav cxiv tsa Dự án Thax tsav siz côngv Tsêr máy uô tơưv Bio - Methanol txix shôngz ntơưv Việt Nam, đros cêr xav pênhr cxiv tsa tsov xav yax 1,3 tiv nhiax đô la.

 

Fuô luk ntơưv jâus uô nuv, đồng chí Chủ tịch UBPX tỉnh tưz kria cêr txơưv zênhx, muôx liv ntơưv Sơn La; haik tsênhz tỉnh zênhx tso cêr lus paz zôngx ziv têx tsêr luôv tuôx nus txos, cxiv tsa, yax hlo mak hâur faz shôngz ntông thiaz hlôngr yiaz. Tỉnh tok nrư dự án tâu tsov xav, fuô lês đros cêr khov por hưv qơư nyiaz hur, hlông yiaz njuôz thiaz sâu nju nhiax txiax trâu pêx xênhv.

Đồng chí cxiz cov nênhs cxiv tsa kria mênhx pêv cêr xav, cêr huôv tsar qơư chos muôx shôngz; ndo njôngr côngv đros têx sở, ngành cik txos tuôr xav, tsov xav, xair tsov thax tsav thiaz qơư cxiv tsa fiv huv. Txix li têx nuv tsov saiz, tsêr luôv tsuv muôx ntâuz ntơưr chia kria mênhx cov tỉnh saiz tsov, kria faz lês têx hâux lưv txuôk nzir trơưk chai xav.