Côngv jias piz lês hâux lưv muôx têx đồng chí: Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh Sơn La. Côngv jias no cux muôx thơưx car têx sở, ban, ngành ntơưv tỉnh; thơưx car phường Vân Sơn, tsưr cxưx nhiax.

Dự án Highland Grands đar zuôr luôs 12,68 ha ntơưv Thax qơư uô Kôngz lông sir zôngv tsưr ziv yiaz, tổ dân phố Bó Bun, xav nhiax lês hâux lưv tas 236,2 tỷ đaiv. Trơưk tuôr xav, Dự án sir jos zuôr lês tiar hâur kaz shông 2028 thiaz muôz lok sir zôngv, cxơưz paz huôv tsar nuôv zax thiaz nhiax txiax - xã hội ntơưv Thax tsav nuôv zax Têz qơưk Mộc Châu.

Dự án zos hâux lưv zov chênhr tâu lês trơưk faz tsưr ziv huôv tsar truôx njês: "Cxiv puôz tsơưs đuô chia cov muôx qơư chos ntông, kôngz txir nox ntâu đuô; cxiv puôz têx qơư ndis shuôk uô si chia cov tâu chôngz lênhx nênhs nhiav tuôx". Trơưk tuôr xav hâux lưv cxiv puôz tsêr nhoz tsuôk zos txênhz zuôr luôs 8,5%. Đuô li zos huôv tsar chos ntông, pak đêx thiaz yax hlo zos chos kôngz sir zôngv chuôz zênhx yiaz đar zuôr luôs 6 ha (bâuv li 46,5% têx qơư cxiv puôz).

Tưz tsik zos cxiv puôz têx qơư so đros trâu yax 100 qar trâu kruô so thiaz 73 luz bungalow, dự án thâuv cxiv puôz tiar hur si têx hâux lưv zuôr muôx cxix cxuô têx zav: so txuôs jos, ndis shuôk uô si đros trâu muôs hax huv OCOP, kar nox Tây Bắc, muôs zuôr luôs 381 tấn kôngz cxuô zav đros trâu ntâu têx hax huv txơưr chia paz trâu têx kruô nuôv zax pâuz txos têx zav muôx txơưv hâur thax tsav.

Muôx luk jias no, Phó Chủ tịch Thường trực UBPX tỉnh Hà Trung Chiến haik mênhx: Nghị quyết Đại hội Đảng bộ tỉnh jâus tiv 16 thiaz Nghị quyết số 07-NQ/TU ntơưv Ban Chấp hành Đảng bộ tỉnh lok sâuv huôv tsar nuôv zax ntu 2025-2030 tuôr xav zuôr huôv tsar cov tâu têx qơư nuôv zax jông, muôx txux chi thiaz qơư ndis shuôk uô si. Qơư nuôv zax Têz qơưk Mộc Châu tâu xav zos qơư chuôz jos chia paz huôv tsar nhiax txiax, sir jos txos shông 2030 tok tâu 9 triệu pưs kruô, sâu nhiax tâu 12.420 tỷ đaiv iz shông. Dự án piz lês hnuz no zuôr paz cxaz nzir têx qơư so txuôs jos jông ntơưv thax tsav Mộc Châu.

Đồng chí Phó Chủ tịch Thường trực UBPX tỉnh tưz kruôk txos kror moz siaz sir jos ntơưv tsưr cxưx nhiax, đros ntơư cxiz cov Công ty Cổ phần Highland Grands moz siaz muôz nhiax, bax tiz nênhs lês hâux lưv thiaz saiz car cov jông chia dự án tâu fuô lês trơưk đraiv cêr tuôr xav; lês ntov têx cêr chai lok sâuv cxiv puôz, por hưv đêx ar, huôz chuô nyiaz hur thiaz siz khov truôx khor đros trâu pêx xênhv nhoz trâu iz ndis.

Tỉnh Sơn La chos luk zuôr đros đraiv thiaz paz zôngx ziv chia lês nuv đros trâu njiaz luk: “Nov hâu paz max, tsêr luôv uô ntêx lông lês hâux lưv, pêx xênhv tâu sir zôngv”, chia muôz dự án lok sir zôngv nhaz xênhz thiaz tâu jông, cxơưz paz huôv tsar nhiax txiax - xã hội thax tsav zênhv hnuz zênhv huôv tsar truôx khor.

Ndax jias Piz lês hâux lưv, đros trâu njiaz luk “Siz hluz, siz paz”, Công ty Cổ phần Highland Grands tưz puz 50 triệu nhiax trâu Ủy ban MTTQ Việt Nam phường Vân Sơn chia paz têx nênhs txov nhêv hla đhâu cêr phiv liv.