Jâus no muôx têx đồng chí Thường trực HĐPX, Ủy ban MTTQ Việt Nam tỉnh; têx thành viên Tổ côngz xưv; thơưx car cxuô cơ quan, đơn vị cik txos.

Lês Câuk luk số 107-KL/TW hnuz 17/10/2026 ntơưv Bộ Chính trị thiaz Ntâuz ntơưr kria pâuz số 07-HD/BTCTW ntơưv Ban Tổ chức Trung ương, Ban Thường vụ Tỉnh ủy tưz cxiv tsa Tổ côngz xưv cxênhz yuôx, lês tiar txox hâux lưv, tsov xav tâu chor nênhs tâu xair uô hâux lưv thiaz cxiv tsa chor nênhs uô hâux lưv tsik tsês hâur cêr chai ndêx ntus chính trị ntơưv tỉnh; đros ntơư, tso tơưv tsưr ziv fuô lês. Tỉnh tưz xair tâu 4 đơn vị chia lês siv trâu sơưr đơưk cơưv shâuv, đros ntơư kriz jias uô trơưk ntơưv têx cơ quan, đơn vị, thax tsav, nhav nxias zos li tsưr ziv tso tơưv. 

Txos nhiv no, hur si tỉnh muôx 334 luôs hâux lưv nhoz hâur 4 paz côngz xưv tsuv cxiv tsa yênhx txo hâux lưv; tưz nhav txưv 334 pơưs ntâuz ntơưr, tâu 100%. Têx txox hâux lưv tưz tâu cơư tsês siz luôs jok hâur đruôz máy. Côngz xưv cxênhz yuôx, cơư tsês tâu fuô lês ntơưv hur si cấp tỉnh thiaz cấp xã, zos qơư chuôz zov chênhr tsov xav txox hâux lưv, chor nênhs tâu xair uô hâux lưv thiaz uô hâux lưv tsik tsês ntu 2027-2031.

Đhâu cxênhz xuz thơưx, têx cơ quan, đơn vị phênhv ntâu uô trơưk ntov nti 9 txox, mã hâux lưv uô; xuz thơưx tsov xav tâu chor nênhs tâu xair uô hâux lưv, bax chor nênhs uô hâux lưv tsik tsês fiv huv vax huôv. Tsưr ziv cxiv tsa chor nênhs uô hâux lưv tsik tsês ntu 2027-2031 tâu tso tơưv trơưk cêr chai txo grêk tsơưs 5-10% kror qơư, tiz nênhs uô hâux lưv ntơưv Trung ương, đros trâu cxiv kho kror qơư uô côngz xưv têz qơưk, hlôngr yiaz hâux lưv.

Taz sik, đaiv ntơưr kria pâuz txox hâux lưv hâur têx đơn vị tsênhv tsik siz luôs jok, lar haik cấp xã. Iz cxia đơn vị kria pâuz txox, six hơưv uô hâux lưv tsênhv tsik tsênhz mênhx; chor ntâuz ntơưr tsik tâu cxênhz đuô; hâux lưv tsov xav chor nênhs uô hâux lưv tsik tsês tsênhv tsik zos li cêr bax, tiz nênhs uô hâux lưv taz tov muôx nhiv no. Lar haik hnuz nhôngs lês trơưk tsik muôx ntâu, ho tsênhv muôx ntâu hâux lưv, iz cxia hâux lưv txơưr tsik muôx ntâuz ntơưr kria pâuz uô trơưk mênhx pêv; chuôz zênhx cơư tsês ntâuz ntơưr tsik tâu truôx njês, tsik muôx txưv tài khoản trâu têx đơn vị xưv cxênhx têz qơưk tus.

Ntơưv jias cơưv, Tổ côngz xưv tưz saz lax, đơưk cêr txov nhêv hâur ntu fuô lês; thôngz ndâux luk tsik tsar nênhs uô hâux lưv, tsuôk zos hlôngr six hơưv uô hâux lưv. Têx đơn vị xar muôx nênhs uô hâux lưv tsar nênhs uô hâux lưv tsik tsês tưz tâu zok tsuv tưx tsov xav tsưr ziv bax thiaz cxiv kho đuô tiz nênhs, tsik tsês hlôngr pâur số, txo tsơưs ntâuz ntơưr, hlôngr yiaz muôx kaz hâu hâux lưv sir zôngv têx cán bộ, công chức, viên chức, paz tâu zênhx max trâu ntu nênhx yiaz nhiv no. 

Câuk luk jias cơưv, đồng chí Lò Minh Hùng cxiz Ban Tổ chức Tỉnh ủy đros Sở Nội vụ kria pâuz cxiv tsa chor nênhs uô hâux lưv tsik tsês; cxiz njôngr têx cơ quan, đơn vị khối Đảng uô tiar txo hâux lưv trơưk li tsưr ziv tưz cxênhz tâu; cxênhz yuôx, sâu tsês têx hâux lưv uô tâu ntơưv khối Đảng thiaz 4 khối, 2 cấp, kria Tổ côngz xưv pâuz; uô tiar ntâuz ntơưr, tsưr ziv cxiv tsa chor nênhs uô hâux lưv tsik tsês ntơưv tỉnh piar Ban Thường vụ Tỉnh ủy; sâu tsês têx txov nhêv, khuôv đais hla zuk vax huôv, kria Ban Tổ chức Trung ương côngv pâuz.

Sở Nội vụ đros Ban Tổ chức Tỉnh ủy tso tơưv ntâuz ntơưr kria pâuz thôngz ndâux luk; đros đơn vị fuô lês tsưr ziv puz tài khoản trâu têx đơn vị xưv cxênhx têz qơưk tus; cxiz njôngr têx đơn vị xưv cxênhx tsik tâu xa txo ntâuz ntơưr thiaz têx xã, phường tsik txâuk chai cơư ntâuz ntơưr hâur đruôz máy zênhx max lês tiar uô ntêx hnuz 12/11/2026; haik mênhx hâux lưv cxiv tsa tsưr ziv grêk tsơưs têx nênhs uô hâux lưv trơưk yênhx cơ quan cêr xar.

Văn phòng Paz đại biểu Quốc hội thiaz HĐPX tỉnh, cơ quan Ủy ban MTTQ Việt Nam tỉnh cxênhz yuôx, cxiz njôngr têx cơ quan, đơn vị, thax tsav nhoz hâur khối saiz car uô tiar txox hâux lưv; sâu tsês, xa ntâuz ntơưr trâu Ban Tổ chức Tỉnh ủy. Têx cơ quan, đơn vị cấp tỉnh uô tiar txox hâux lưv trơưk li têx hâux lưv tưz cxênhz tâu; thơưx car sâu bê công nhav, nhav phênhv shuôv lok sâuv cêr muôx tsênhz hâur ntâuz ntơưr thiaz xa trâu cơ quan tâu zok uô hâux lưv ntơưv khối. Têx đồng chí Tổ phó, Trưởng nhóm chox car khối tâu phaiz saiz car; muôx ndâux luk trâu hâux lưv uô tâu ntơưv khối uô ntêx thâuv xa trâu Ban Tổ chức Tỉnh ủy.