Hâur jias cxênhz yuôx, đồng chí Phó Chủ tịch UBPX tỉnh tưz cxênhz thax qơư piz kriz lês hâux lưv, cêr muk lok thiaz têx hâux lưv paz max hâur jias kriz lês hâux lưv.

Trơưk báo cáo ntơưv têx đơn vị, côngz xưv bax qơư thiaz têx hâux lưv chia kriz lês hâux lưv tâu lês zênhx max. Txos nhiv no, têx hâux lưv tưz lês tiar 50%; hâur ntơư, têx hâux lưv zov chênhr li đhok tsêr tưz lês tiar. Têx đơn vị taz tov fuô lês qơư tuv hax huv, qơư taz đại biểu thiaz têx hâux lưv txơưr chia cov trơưk đraiv cêr tuôr xav.

Lok sâuv côngz xưv sâu ar tror kaz chia lês hâux lưv, UBPX xã Mường Bang tưz đros trâu tsưr cxưx nhiax lês tiar hâux lưv cxênhz ar tâu 70,8 ha, hâu ntơư, zok 3 ha chia lês hâux lưv piz lês huv. Hnuz xiaz 5/11, UBPX xã tưz tso chai muôz nhiax thêv, yaik pêx xênhv nhoz trâu qơư yiaz thiaz tso tơưv cêr chai sâu ar tror kaz trâu 92 zis nênhs, tus khênhx thiaz paz pơưs hâur ntu 1 ntơưv dự án. Txox cêr muk trâu hâur ntu kriz lês hâux lưv tưz tâu cxênhz yuôx, lês tiar, đros trâu đar 10 txos trâu 12 thiar. Têx đơn vị cik txos taz tov siz khov bax cxix cxuô zav lok sâuv điện, đêx, qơư tơưv trôngx, por hưv cêr nyiaz hur, por hưv cêr nhaz xênhz chia cov kriz tâu jông luôs hâux lưv.

Tov kaz cxênhz yuôx ntơưv thax tsav, đồng chí Phó Chủ tịch UBPX tỉnh cxiz cov têx sở, ngành, thax tsav thiaz tsưr cxưx nhiax tror cxênhz yuôx cxuô zav hâux lưv, siz chos đơưk têx cêr phiv liv, chor nhov muôx yưv. Yax hlo zos moz siaz txos côngz xưv taz đại biểu. Têx đơn vị zuôr tsuv siz khov truôx khor, lês jông têx hâux lưv tâu zok, tsi njênhk chia cov Jias kriz piz lês Dự án Tênhz điện tích năng Đông Phù Yên tâu jông, nhaz xênhz, trơưk đraiv cêr tuôr xav.