Chủ tịch UBPX tỉnh Nguyễn Đình Việt côngv Hnuz gruôv pax Thôngx siaz ntơưv jok Chiềng Khừa

Hnuz 12/11, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, tưz côngv, lov jêv Hnuz gruôv pax Thôngx siaz tiz nênhs đros Hnuz Txux chi Việt Nam shông 2026 (24/11) ntơưv jok Chiềng Khừa, xã Lóng Sập. Côngv txuv muôx thơưx car têx sở, ban, ngành, Ủy ban MTTQ Việt Nam tỉnh thiaz cấp ủy, nov hâu thax tsav.

Ntơưv hnuz gruôv pax, têx đại biểu thiaz pêx xênhv tưz yaz đuôz cênhz cưv 96 shông Hnuz tsa tơưv Mặt trận Dân tộc thống nhất Việt Nam (18/11/1930-18/11/2026); cxênhz têx nuv uô tâu lês têx jâus zaz zâuv, cêr siz tưr nhiav têz qơư shông 2026; tso tơưv faz lês, hâux lưv shông 2027.

Hnuz gruôv pax Thôngx siaz tiz nênhs, Hnuz Txux chi Việt Nam shông 2026 ntơưv jok Chiềng Khừa.
Têx đại biểu côngv hnuz gruôv pax.
Têx đại biểu côngv hnuz gruôv pax.

Jok Chiềng Khừa tâu tsa tơưv luz 6/2026 txix sâu uô cê 3 jok Khừa, Cang thiaz Tòng, nhiv no muôx 323 ziv, 1.193 tus nênhs, hâur ntơư pêx xênhv Poz Ziz txênhz yax 98%. Huôv nzir cêr thôngx siaz, pêx xênhv hâur jok trâu siaz huôv tsar nhiax txiax, cxiv tsa ntu nênhx txux chi. Tas nro jok muôx 52 ziv uô kôngz lông, lax luôv coz; ntâu qơư chos txir thênhx caz, txir nkhơưz kâuz liaz tơưr, txir bơ, zus ok, buô jêx jok sâu nju yax 100 triệu đaiv nhiax/shông. Tiv tsôngv ziv pluôs tsơưs yuôr 9,29%, ziv jê cêr pluôs 8,35%.

Đros huôv tsar nhiax txiax, jok Chiềng Khừa sir jos hlôngr số, kria pêx xênhv zôngv VNeID, thêv gri tsik ro nhiax chêr têk thiaz têx nuv pov njôngr. Côngz xưv uô nênhx nhaz xênhz xã hội tâu moz siaz; 100% ziv zôngv đêx hur, 97% ziv muôx tsêr tơưv trôngx fiv huv; 100% mê nhuôv txos shông tâu muk cơưv ntơưr thiaz pêx xênhv zuôr bảo hiểm y tế.

Thơưx car Đảng ủy xã Lóng Sập fuô luk ntơưv hnuz gruôv pax.
Têx đại biểu thiaz pêx xênhv jok Chiềng Khừa, xã Lóng Sập côngv hnuz gruôv pax.
Tuz cơưv xã Lóng Sập côngv hnuz gruôv pax.

Fuô luk ntơưv hnuz gruôv pax, đồng chí Nguyễn Đình Việt sâu nhav, kruôk txos têx nuv ntơưv cán bộ thiaz pêx xênhv jok Chiềng Khừa uô tâu. Đồng chí cxiz cov cấp ủy, nov hâu, MTTQ, têx tổ chức chính trị - xã hội thiaz pêx xênhv huôv nzir cênhz cưv thôngx siaz, lês jông Đảng, Têz qơư têx chai; sir jos huôv tsar nhiax txiax, yôngv siaz nox nhoz, tsưx tsês txux chi tiz nênhs, tso tsês têx tsik fiv huv ntu nênhx, chok nxiak njias to tưx zưv, cxiv tsa jok Chiềng Khừa yênhx thax pêx xênhv nhoz vav mênhx, nhaz xênhz. 

Đồng chí Chủ tịch UBPX tỉnh fuô luk ntơưv hnuz gruôv pax.

Đồng chí Chủ tịch UBPX tỉnh cxiz cov Ban Côngz xưv Mặt trận jok tror hlôngr yiaz njiaz luk, faz uô nuv, huôv nzir qơư sơưr tik ntơưv cấp ủy, nov hâu txos pêx xênhv; zênhx max yuôx pâuz cêr xav, khov vav, tu têx muôx yưv ntơưv qơư. Fuô lês muôx liv jâus zaz zâuv, siz tưr nhiav têz têz qơư, tsênhv chênhz mak Jâus zaz zâuv “Tas nro pêx xênhv thôngx siaz cxiv kho jêx jok yiaz, đrôngs vav mênhx”, zuôr muôx liv thiaz huv siaz ntơưv pêx xênhv uô chưx njuôk txiax njis. Chi bộ jok tror huôv nzir cêr uô ntêx lông chox car, saiz hloz phênhv shuôv xuz uô ntơưv cán bộ, đảng viên, zaz zâuv pêx xênhv côngv đas jos cxiv tsa thax tsav pêx xênhv nhoz vav mênhx, muôx txus.

 

Đồng chí Chủ tịch UBPX tỉnh puz huv pêx xênhv jok Chiềng Khừa.
Thơưx car xã thiaz têx cơ quan, đơn vị puz huv jok Chiềng Khừa.
Têx đơn vị thax tsav xã Lóng Sập puz huv jok Chiềng Khừa.
Chi bộ, Ban saiz car jok, Ban Côngz xưv Mặt trận jok Chiềng Khừa puz huv trâu 30 ziv nênhs nto mông.
Đồng chí Chủ tịch UBPX tỉnh thiaz paz côngz xưv ntơưv tỉnh côngv lov jêv đros pêx xênhv jok Chiềng Khừa.
Đồng chí Chủ tịch UBPX tỉnh côngv lov jêv hnuz gruôv pax đros pêx xênhv hâur jok.
Têx đại biểu đros côngv sênhr chêr tuôr têk ntơưv hnuz gruôv pax.
Đồng chí Chủ tịch UBPX tỉnh thiaz têx đại biểu đhia sênhr đros pêx xênhv.
Jax sênhr chêr "Têx trêk pax huôv tsar" zos paz cưr cxiax sênhr chêr jok Bó Sặp nthuôr lês.
Têx đại biểu thiaz pêx xênhv cxơưz jos faz njuôk jos ntơưv hnuz gruôv pax.
Jax sênhr chêr "Lok trâu cox jok" zos paz haik cưr cxiax ntơưv jok A Má nthuôr lês.

Ndax jâus no, đồng chí Nguyễn Đình Việt tưz choz huv ntơưv Tỉnh ủy, HĐPX, UBPX, Ủy ban MTTQ Việt Nam tỉnh puz cán bộ thiaz pêx xênhv jok Chiềng Khừa. Cấp ủy, nov hâu, Ủy ban MTTQ Việt Nam xã đros têx cơ quan, đơn vị cux choz huv trâu jok. Chi bộ, Ban saiz car jok puz huv 30 ziv nênhs nto mông huôv tsar nhiax txiax, cxiv tsa ntu nênhx muôx txux chi.

Tov kaz phênhv chai, têx đại biểu thiaz pêx xênhv côngv lês têx nuv txux chi, cưr cxiax, uô si pêx xênhv tus li njuôk jos, ntâuk txir toz, đhia pak, sênhr chêr, chuôz cêr cax siaz, shir phaz, paz bôngs truôx cêr thôngx siaz thiaz tsưx tsês txux chi tiz nênhs.

Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Mông yiaz