Đồng chí Phó Chủ tịch UBPX tỉnh cxênhz yuôx thax tsav thiaz đros xã Lóng Sập uô hâux lưv

Hnuz 17/11, đồng chí Đặng Ngọc Hậu, Phó Chủ tịch UBPX tỉnh tưz muk cxênhz yuôx thax tsav thiaz uô nuv đros xã Lóng Sập cik txos côngz xưv kho tsêr đos đis, xâu nas; hlôngr số, hlôngr uô ntơưr hành chính; fuô kria chai têz qơưk thiaz zok ar Trôngx lôngs đriv têz Ntiax têz Lóng Sập.

Đồng chí Phó Chủ tịch UBPX tỉnh uô nuv ntơưv xã Lóng Sập.
Têx đại biểu côngv jâus uô nuv.

Ntơưv jâus uô nuv, thơưx car UBPX xã Lóng Sập tưz fuô kria têx cêr lês nuv shông 2026. Trơưk ntơư, kho tsêr đos đis, xâu nas, đhâu cxênhz thax tsav muôx 15 ziv txâuk chai paz. Hâur shông 2025 thiaz 2026, xã tưz paz uô yiaz thiaz kho đuô tsêr trâu 8 zis đros trâu nhiax txiax 730 triệu txix nhiax xã hội paz thiaz nhiax xưv cxênhx têx Cxiax cxênhv têz qơưk xav; 7 ziv khov paz trâu shông 2027.

Đồng chí Phó Chủ tịch UBPX tỉnh thiaz paz côngz xưv muk shuôk ziv pêx xênhv paz kho tsêr đos đis ntơưv xã Lóng Sập.

Lok sâuv côngz xưv hlôngr số thiaz hlôngr ntơưr hành chính, 100% têx jok thax tsav tưz tâu tso chuô muk đêz xor tôngx 4G, mạng 5G tưz lês txos têx thax tsav; 64% jok tâu tso chuô muk đêz đar truôx njês (cáp quang FTTH); 80% ziv muôx xor tôngx thôngz tsiz. Hâu shông txos nhiv no, xã tưz taz nhav 1.952 hồ sơ ntơưr hành chính (95,6% taz nhav pov njôngr), têx ntâuz ntơưr uô tâu trơưk hnuz nhôngs tênhv thiaz uô ntêx tâu 99,94%; 100% ntâuz ntơưr tâu số hlôngr thiaz thiv pov njôngr trơưk chai.

Đồng chí Phó Chủ tịch UBPX tỉnh cxênhz yuôx côngz xưv cxiv tsa puôz Trôngx lôngs đriv têz Ntiax têz Lóng Sập.

Xav li côngz xưv fuô, kria chai têz qơưk thiaz tu plâuz ntus cơ sở, Hội đồng fuô kria chai têz qơưk xã tưz kriz 14 jâus fuô txos 1.158 lưv tus nênhs mnôngs; têx paz tu plâuz ntus nhoz jok tưz tu tiar 12/12 txuz (tâu 100%). Cik txos zok ar Trôngx lôngs đriv têz Ntiax têz Lóng Sập, xã tưz nhav 14.420 thiar xưv phaz ar lax luôv thiaz taz tov thôngz luk nuv zok saiz car têx hov jông tsưr ziv ntơưv thax tsav trôngx lôngs đriv têz.

Đồng chí Phó Chủ tịch UBPX tỉnh cxênhz yuôx côngz xưv cxiv  puôz Trôngx lôngs đriv têz Ntiax têz Lóng Sập.

Ntơưv jâus uô nuv, UBPX xã Lóng Sập khov tỉnh thiaz têx sở, ngành moz siaz paz kho đơưk 6 cụm pêx xênhv nhoz trâu vok har tsik muôx huôz chuô truôx njês. Tuôr xav, kria zôngv têx nhiax lês nuv hlôngr số trơưk chai xav; tror kria cêr cơưv txos côngz xưv kho tsêr đos đis, xâu nas, fuô kria chai têz qơưk thiaz tu plâuz ntus cơ sở chia xã fuô lês thôngz luk, zos nênhs, zos cêr xav thiaz yôngv siaz txiax njis lês.

Đồng chí Đặng Ngọc Hậu, Phó Chủ tịch UBPX tỉnh câuk luk ntơưv jâus uô nuv.

Câuk luk jâus uô nuv, đồng chí Phó Chủ tịch UBPX tỉnh sâu nhav, kruôk txos cấp ủy, nov hâu xã Lóng Sập hâur fuô lês têx đas nuv. Cxiz cov cấp ủy, nov hâu thax tsav thiaz têx sở, ngành côngv uô tiar cêr xav kho tsêr đos đis thiaz tu saiz nox nhoz truôx njês trâu pêx xênhv. Sir jos lês cêr siz tưr "Pêx xênhv cơưv số" thiaz huôv nzir txiax njis Paz nênhs chuôz zênhx số tsôngv nênhs ntơưv 14 jok. Muôz côngz xưv paz pov njôngr nuv têz qơưk txos cơ sở, paz pêx xênhv lês hồ sơ cias ntơưv jok. Hlôngr yiaz cêr chai fuô, kria chai têz qơưk fiv huv trâu pêx xênhv đriv têz. Uô tiar thêv nhiax thiaz yuôx chuôz tav nhiv no, đriv têz, têx zav vax tsê ntơưv dự án cxiv puôz Trôngx lôngs đriv têz Lóng Sập yênhx Trôngx lôngs đriv têz Ntiax têz chia zok trâu têx đơn vị muôx vax huôv saiz car, fuô lês. Kriz saiz car, kriz lês muôx liv têx zav jông trôngx lôngs đriv têz tưz tâu cxiv tsa đros đraiv hâux lưv tsưx tâu têz qơưk - njias to thiaz cxơưz paz thôngz huv, têx zav thax tsav đriv têz.

Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Mông yiaz