Trơưk njuôk tsov uô cêr yêz Việt Nam ntu 2021-2030, xav txos shông 2050, txox cêr yêz muk chênhr Hòa Bình - Mộc Châu tâu njuôk tsov uô trơưk chai cêr yêz muk chênhr, 80 caik/six hơưv, txâuk 4 hax yêz muk, plơưr cêr đar 22 thiar. Ntu hâur tỉnh Sơn La yax 32 caik, đhâu têx xã Vân Hồ, Tô Múa thiaz phường Vân Sơn, tas nro uô tas 4.118 tỷ nhiax.
Hâur têx hnuz nhiv no, thôngz cxuô qơư uô txox cêr yêz muk chênhr, taz tov trâu siaz uô lov jêv ntưk. Ntơưv poz thầu số 28, ntu txix caik 74+500 - caik 85+300, muôx 10 tus qox, têx tsêr luôv cxiz 354 tus nênhs, 210 luz máy, trâu siaz njo uô 18 ntu. Zơưs Đỗ Văn Hà, Thơưx chox, Công ty Tự Lập, hlôngr njêx muôs trâu têx tsêr luôv, haik: Txos nhiv no, tưz uô tas 295 tỷ nhiax, bâuv 25% têx nhiax chos luk zôngv. Đơn vị taz tov cxiz nênhs, zôngv chuôz zênhx trâu siaz njo uô cxuô zav, sir jos cov tiar hâux lưv zôngv tas 90 tỷ nhiax hâur luz 11 hli thiaz 82 tỷ nhiax hâur luz 12/2026.
Ntơưv poz thầu số 27, ntu txix caik 63+500 – caik 74+500, muôx 8 tus qox, têx tsêr luôv taz tov uô 16 ntu, muôx 271 tus nênhs thiaz 126 luz máy, zôngv ntâu chuôz zênhx uô. Txos nhiv no, tưz zôngv tas 271 tỷ nhiax, bâuv 25% têx nhiax chos luk uô cêr. Zơưs Trịnh Ngọc Vĩnh, cán bộ kỹ thuật Công ty Bắc Trung Nam, hlôngr njêx muôs têx tsêr luôv lênhk uô, haik: Ntu đhâu, ntux lok nas ntêr, iz cxia ntu ar tsik truôx tưz tuôr thênhv hâux lưv lok six ntâu. Đơưk têx cêr phiv liv sâuv, đơn vị tưz cxiz nênhs, chuôz zênhx uô cxuô zav, sir jos uô cov tas 74 tỷ nhiax hâur luz 11 hli thiaz hâur luz 12 hli zuôr uô tas 74 tỷ nhiax.
Poz thầu số 26, ntu caik 53 - caik 63+500, muôx 10 tus qox, Liên danh Sơn Hải - Công ty 479 taz tov uô 13 ntu, muôx 262 tus nênhs thiaz 120 luz máy uô. Xav txos nhiv no, tưz zôngv tas 183 tỷ nhiax, ntâu mê njik 16% têx ntơưr chos luk. Têx tsêr luôv sir jos uô cov tiar 62 tỷ nhiax hâur luz 11 hli thiaz 66 tỷ nhiax trâu luz 12/2026.
Iz chas uô sai, tsêr luôv cux taz tov trâu siaz đơưk cêr phiv liv, uô cov tiar, thêv nhiax trâu têx zav tưz uô tiar trơưk draiv tuôr xav. Zơưs Hoàng Mạnh Thắng, Phó Giám đốc Ban Saiz car dự án uô cêr yêz tỉnh Sơn La, haik: Tas nro têx nhiax tưz zok trâu dự án uô txos nhiv no yax 2.359 tỷ; hâur ntơư, tưz muôz uô ntêx yax 1.892 tỷ, tiar 80%. Cias têx zav puôz thiaz đhok tưz zok tas yax 1.675 tỷ nhiax. Têx nhiax shông 2026 tâu zok yax 843 tỷ, xav tas hnuz 12/11, dự án tưz zok yax 463 tỷ nhiax, tas 55%. Txix no tax tas shông, dự án zuôr tror zok cov tas 380 tỷ nhiax cov tiar trơưk tưz xav.
Taz sik, hâur ntu uô dự án cux tsênhv yuôr iz cxia chor nhov. Yuôr 2 caik zuôr tâu yêv nzir qơư cov đar trơưk têx ntơưr tưz njuôk tsov. Iz cxia qơư lâuz khâuz, cêr uô hâux lưv tsik tâu yêv tâu trơưk xav thơưx jâus, tiv zos cik txos pêx xênhv, zuôr tsuv tâu njuôk tsov nzir, hlôngr 8 kror qơư lâuz khâuz thiaz 5 txox cêr thâuv uô hâux lưv. Iz chas ntơư, yuôr iz cxia qơư tsênhv tsik tâu cir ntơưr yêv qơư, tuôr thênhv txos hâux lưv zok qơư uô cêr; pênhr xưv ntơưv iz cxia tsêr luôv tsik đuôr li ntơư uô tsik zênhx.
Thâuv pov têx txov nhêv haik sâuv, Ban Saiz car dự án uô cêr yêz tỉnh taz tov đros cxuô sở, ngành trâu siaz njo siz chos đơưk têx cêr phiv liv yêv qơư, uô cov tiar têx ntơưr ntơưv têx qơư lâuz khâuz, cêr uô hâux lưv. Iz chas ntơư, cxênhz yuôx, sox car ntov nti têx tsêr luôv lênhk uô, cxiz cov trâu siaz njo uô tiar chia zok nhiax thêv têx zav tưz uô tiar, sir jos cov zok tas 100% uô ntêx hnuz 31/12/2026.
Ntơưv jias đros tsưr muôz nhiax uô thiaz tsêr luôv uô hâux lưv hnuz 12/11, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, cxiz Ban Saiz car dự án muôz nhiax uô cêr yêz tỉnh thiaz têx đơn vị kria saiz car siz chos đơưk cov sai têx cêr phiv liv ntơưv têx qơư lâuz khâuz, cêr uô hâux lưv; cxênhz tas nro thiaz cxênhz iz zav jux juk ntơưv yênhx luz tsêr luôv. Lar haik mak, lês sai ntu 2, kriz đar txox cêr txix 2 hax yêz ndê 4 hax yêz.
Tâu tỉnh chox car ntov nti, cxuô sở, ngành, cxuô qơư đros têx tsưr muôz nhiax uô, tsêr luôv, dự án txox cêr yêz muk chênhr Hòa Bình - Mộc Châu taz tov tâu trâu siaz njo đơưk têx cêr phiv liv, uô sai thiaz zok cov tas nhiax pênhr têz qơưk. Ntơư, zos têx hâux lưv zov chênhr sir jos uô cov thôngz txox cêr yêz Tây Bắc, chuôz jos chia huôv tsar nhiax txiax - xã hội, uô lax luôv thiaz nuôv zax ntơưv tỉnh Sơn La.
Cox yuôr 500/500 tus bê ntơưr
Bạn vui lòng nhập từ 5 ký tự trở lên !!!