Têx jias tưr nuôv zax tỉnh Sơn La shông 2025 tâu Sở Txux chi, Thể thao thiaz Nuôv zax tso yar txix hli 5/2025, muôx 5 njiaz luk tưr: Xair côngk nhav côngz xưv nuôv zax; đuôz nuôv zax jông; cxiv tsa video clip fuô kria têx qơư nuôv zax; sâu slogan nuôv zax; cxiv tsa tsưr ziv chox kruô nuôv zax Sơn La.

Tov kaz yax 7 luz hli tso yar, Ban Tổ chức tưz txaik tâu 341 đaiv đuôz ntơưv 55 lênhx nênhs nhoz hâur tỉnh thiaz oz chas tỉnh côngv jias tưr “Đuôz nuôv zax jông ntơưv Sơn La”; 153 jax sâu njiaz luk slogan nuôv zax; 39 jax video clip nuôv zax; 15 jax sâu fuô kria, chox kruô nuôv zax; jias tưr xair côngz bê nuôv zax Sơn La gruô hu tâu 45 đơn vị, cơ sở chos luk côngv tưr đros trâu 167.695 lưv nênhs xair.

Ban tổ chức jias tưr tưz tsa tơưv Ban cxênhz yuôx chia tso điểm cov ndax ndênhk, xair cov tâu têx đuôz, video muôx njiaz luk jông, cxơưz paz fuô kria têx đuôz nuôv zax ntơưv Sơn La txos trâu têx kruô oz chas têz.

Têx jias tưr tưz paz muôx qơư uô si muôx txiax njis, cxơưz paz fuô kria têx qơư nuôv zax, đros trâu cêr tuôr xav huôv tsar têx qơư nuôv zax jông ntơưv Sơn La, paz trâu saz nuôv zax tỉnh Sơn La huôv tsar truôx njês.

Suôx câuv jias tưr, Ban tổ chức tưz quyết định puz giải trâu têx jias tưr li: Puz 5 giải A, 5 giải B, 10 giải C, 10 giải cxơưz jos trâu têx nênhs tưr đuôz nuôv zax jông ntơưv Sơn La; puz 2 giải A, 3 giải B, 5 giải C, 5 giải cxơưz jos trâu phênhv tưr cxiv tsa video clip nuôv zax Sơn La; puz 1 giải A, 2 giải B, 3 giải C, 2 giải cxơưz jos trâu têx nênhs tưr cxiv tsa tsưr ziv chox kruô nuôv zax Sơn La; puz 5 giải cxơưz jos trâu têx nênhs sâu Slogan nuôv zax Sơn La.

Haik txos phênhv tưr xair qơư tâu côngk nhav côngz bê nuôv zax Sơn La, Ban tổ chức tưz puz giải trâu 4 cơ sở tâu giải qơư nuôv zax muôx hax huv nto mông; 3 cơ sở tâu giải têx tsêr kruô, uô lax luôv nto mông; 2 cơ sở tâu giải uô kak nox txâuk chai.

Ndax jias no, Sở Txux chi, Thể thao thiaz Nuôv zax tưz muôz ntơưr kruôk trâu 3 lênhx nênhs chox kruô tưz côngv thiaz lês tâu jông hâux lưv hâur Jias tưr chox kruô nuôv zax têx tỉnh Ntar jas kâuv têz kriz đar shông 2025.