Hmo 22/6, ntơưv yar tiax uô si Biển Đông, cêr Võ Nguyên Giáp, phường Phước Mỹ, quận Sơn Trà, thành phố Đà Nẵng, UBPX tỉnh Sơn La tưz kriz luôs hâux lưv haik cưr cxiax, sênhr chêr đros trâu njiaz luk “Txux chi Sơn La”.

Nhoz hâur cxiax cxênhv nuôv zax “Txux chi Sơn La” ntơưv thành phố Đà Nẵng shông 2025, hnuz 22/6, UBPX tỉnh Sơn La tưz đros UBPX thành phố Đà Nẵng kriz jias cơưv cxơưz nuôv zax Sơn La – Đà Nẵng.

Hâur jias nthuôr “Txux chi Sơn La” ntơưv thành phố Đà Nẵng shông 2025, Hnuz 21/6, Paz nov Famtrip ntơưv tỉnh Sơn La muôx nov chox car Sở Txux chi, Thể thao thiaz Nuôv zax hlôngr njêx muôs yax 20 công ty chox kruô, tsêr luôv hâur thax tsav tỉnh tưz cxênhz hâux lưv nuôv zax ntơưv công viên đêx sor Thần Tài, thành phố Đà Nẵng.

Nhiv no hur si tỉnh muôx 641 luz tsêr so, tsêr kruô; hâur ntơư 29 tsêr so, resort tâu công nhav txix 1 hnuz kuz txos 5 hnuz kuz, đuô li zos tsêr kruô, homestay thiaz ntâu tsưr ziv nuôv zax txơưr.

Car shênhv huôv tsar têx zav muôx txơưv, ntâu tsar txux chi cxuô hair nênhs, xã Tân Yên, thị xã Mộc Châu tưz tsa jok nuôv zax jêx jok; puôz tiz cov pêx xênhv huôv tsar nuôv zax đros đraiv trâu têx kôngz lông.

Ntu 2021-2025, xav nhiax nuôv zax sâu txix li thax tsav huyện Bắc Yên tâu yax 640.000 lưv, tsar yax 440.000 lưv njuôk li ntu 2016-2020; xav hur si nhiax nuôv zax tâu 420 tỷ nhiax, tsar 315 tỷ nhiax njuôk li ntu 2016-2020.

Hnuz xiaz 10/6, ntơưv thị xã Mộc Châu, Sở txux chi, Thể thao thiaz Nuôv zax tỉnh Sơn La tưz đros Sở Txux chi, Thể thao thiaz Nuôv zax tỉnh Điện Biên siz chos kriz Jias cơưv Tổ jor trơưr, Tổ paz uô hâux lưv Ban Chox car huôv tsar nuôv zax 8 tỉnh Tây Bắc kriz đar thiaz Thành phố Hồ Chí Minh shông 2025.

Lês hâux lưv cxơưz nuôv zax shông 2025, trơưk njiaz luk “Việt Nam – muk cov muôx cêr yuô” zos Bộ Txux chi, Thể thao thiaz Nuôv zax gruô hu, tỉnh Sơn La tưz fuô lês siz luôs jok ntâu zav hâux lưv, cxơưz cêr huôv tsar têx qơư nuôv zax yiaz, kruô nhiav.

Hnuz siz tưr đê txir khơưz kaz jiz Mộc Châu – zos iz jias nthuôr txux chi, nuôv zax tâu tso yar hâur yênhx shông, zos “bê” nuôv zax kôngz lông ntơưv thị xã Mộc Châu. Jias no, tso yar hâur 2 hnuz (31/5 thiaz xiaz 1/6) chia têx kruô thiaz pêx xênhv muôx cêr lov jêv.

Hnuz 30/5, ntơưv jok Khá, xã Sặp Vạt, huyện Yên Châu tưz kriz Hnuz grâuv pax đê txir mor môngk shông 2025; muôz Ntơưr côngk nhav ntông lâuk Việt Nam.

Huôv têx zav muôx txơưv lok sâuv tox trôngz hâur pêk jông gâux, muôx ntâu txux chi hair nênhs tsơưs jông, fiv huv huôv tsar nuôv zax jêx jok, huyện Mường La puôz tiz pêx xênhv cxưx nhiax uô tsêr homestay, kho jêx jok cov jông uô 3 luz tsêr kruô lox, 31 luz tsêr kruô zâu, homestay, 2 kror qơư nuôv zax jêx jok; paz yax 100 lênhx pêx xênhv muôx hâux lưv uô cias ntơưv qơư, yax 300 lênhx pêx xênhv muôx hâux lưv uô trơưk chaix. Txix thâuv hâu shông txos nhiv no, huyện tưz tok tâu 140.000 lưv pưs kruô, hâur ntơư, 700 pưs kruô têz qơưk đrâuk, sâu tâu 48 tỷ 800 triệu nhiax.

Nhiv no, thax tsav tỉnh muôx 12 thax qơư nuôv zax, kror qơư nuôv zax tưz tâu công nhav. Hâur ntơư, muôx 1 thax tsav nuôv zax têz qơưk; 1 thax tsav nuôv zax cấp tỉnh; 10 kror qơư nuôv zax cấp tỉnh; đros trâu 5 zav hax huv nuôv zax zov chinhr, li: Nuôv zax tox trôngz hâur pêk, kôngz lông, txir nox; nuôv zax txux chi, cênhz cưv; nuôv zax jêx jol; nuôv zax so txuôs jos, uô si thiaz por hưv đas jos; nuôv zax chuyên đề (thể thao, saz lax, cơưv phaix, nox hâuk)...

Hnuz 23/5, ntơưv jok Ái 1, xã Phiêng Khoài, UBPX huyện Yên Châu tưz kriz Hnuz grâuv pax đê txir khơưz jâus tiv I, shông 2025. 

Hâur hli 4, sâu nhiax txix li uô nuôv zax, muôs hax huv hâur thax tsav tỉnh tâu yax 1.028 tỷ đaiv, tsar 9,15% njuôk li hli uô ntêx thiaz tsar 20,2% njuôk li chaix no tsaiz no.

Ndax jâus so 30/4 thiaz 1/5, cxuô qơư hâur hur si tỉnh tưz tok yax 220.000 pưs kruô nuôv zax, xav sâu tâu yax 255 tỷ nhiax.

Nthuôr huôv jông têx zav muôx txơưv jông lok sâuv nuôv zax, xã Lóng Luông, huyện Vân Hồ tưz gruô hu pêx xênhv chos têx pax jâuz njuôz, pax txir đuôx chia cov muôx chôngz lênhx kruô nuôv zax tuôx thaix đuôz, cxaik zênhx zav.

Hnuz 26/4, ntơưv thị xã Mộc Châu, Yar cơưv Đại học Ngoại thương tưz đros UBPX tỉnh Sơn La kriz jias Saz lax “ Cxơưz cêr lax luôv ntiax têz hâur ntu nênhx yiaz: Nuôv zax truôx njês thiaz muôs kôngz, txir nox trâu oz chas têz ntơưv Sơn La".

Hnuz xiaz 10/4, Hội Tuz kôngz tỉnh tưz đros huyện Mường La kriz jias muk sox njuôk tsưr ziv HTX nuôv zax har jôngr ntơưv xã Chiềng San, huyện Mường La.

Tâu pir jông chuôs pak đêx Hạ Long zâu nhoz trâu saz Tây Bắc, pak điện đêx Sơn La jông gâux, muôx tox trôngz hâur pêv nhoz ntaz blok shơư đêx. Têx zav jông gâux ntơư, taz tov tâu car shênhv chia huôv tsar yênhx qơư muôv zax jông tsik muôx kror tưs thôngx, tuôr xav tsa yênhx thax qơư nuôv zax têz qơưk.

Hâur 3 luz hli hâu shông 2025, huyện Vân Hồ tưz tok yax 73.000 lưv pưs kruô tuôx ndis shuôk, so txuôs jos. Hâur ntơư, 19.000 lưv pưs kruô tuôx nhoz so đhâu hnuz hmo, yax 54.000 lưv pưs tuôx ndis nuôv zax.