Hnuz kriz cêr lov jêv muôx đồng chí Nguyễn Minh Tiến, Phó Chủ tịch UBPX tỉnh; nov chox car cxuô xã, phường, đros trâu tsôngv pêx xênhv thiaz kruô nuôv zax nhoz thôngz cxuô tỉnh, thành phố hâur têz qơưk tưz tuôx côngv chôngz.

Tuần Txux chi, Nuôv zax Mộc Châu shông 2025, tâu tso yar lês saiz hloz 80 shông Cách mạng luz Ziv hli thiaz hnuz tsa tâu têz qơưk xiaz 2/9. Jias no, chia piar kria nzir “Têz qơưk thax qơư nuôv zax Mộc Châu”, luz bê nto mông “Mộc Châu – Kror qơư ntux trâus têz xênhz jông yax ntiax têz”. Tsik tas li tsênhv kruôk têx txux chi jông cxuô hair nênhs thiaz zos thơưx shông lês hâux lưv trơưk nov hâu 2 cấp, tâu ntâu xã, phường siz chos côngv lês.

Hâur têx cêr lov jêv, suôz đruôk suôz kênhx nxê nxênh shơư trâu luz suôz luôs côngv têx txux chi cxuô hair nênhs, li: Ndis têx qar tsêr txux chi cxuô hair nênhs, têx cêr lov jêv txux chi cênhz cưv, txux chi tâus cêr,... muôx chôngz pêx xênhv thiaz kruô nuôv zax tuôx côngv.

Ntơưv qar tsêr txux chi cxuô xã, phường tưz nthuôr kria têx txux chi, nuôv zax, đaz kruôk, tsôngk yo, chuôz zênhx uô nox uô hâuk, têx hax huv têk uô, têx hax huv kôngz lông jông; têx zênhx zav, têx zav huôv tsar nuôv zax; têx hâux lưv tso yar nthuôr txux chi, pax ntâuz tơưv lâus, đrax tiaz, sênhr chêr Puôz Ziz, Hmôngz đhia kênhx, Cho sênhr chêr cho tsưz, sênhr chêr hla pak shôngz, txux chi yuôz kênhx, ntâuk đruôk đros trâu têx cêr lov jêv cxuô hair nênhs. 

. 

Hnuz nthuôr cêr lov jêv muôx ntâu txux chi, thể thao jông hair Hmôngz, li: Têx pox niav Hmôngz đrax tiaz, tơưv lâus trâu tsôngk yo, tiaz. Lar haik mak tưr tuôr nduôr blêx, muôx 5 paz nênhs nhoz cxuô xã, phường muôx chôngz pêx xênhv thiaz kruô nuôv zax saiz, lok six lov jêv, yênhx ntu txix thâuv tuôr tax puôz yênhx nduôr puôr lênhx uô tưz jông zôngs jos, txơưx zôngv phaz nzưr.

Côngv trâu cxuô qơư shir phaz lus hnuz tsa tâu Têz qơưk, niav lâuk Đinh Thị Hường, nhoz tỉnh Ninh Bình, tuôx nuôv zax, haik: Cxuô zav ntơưv Mộc Châu lok six jông gâux, tiz nênhs shir phaz, nhiav kruô. Tuôx txos ntơưv no, tsik zos tâu nuôv têx tsôngk yo pax ntâuz jông gâux xưz mak, tsênhv tâu sơưr đơưk piar kria mênhx têx txux chi jông muôx txơưv ntơưv no, zuôr ndo njôngr hnuz so tsa têz qơưk shông no.

Phênhv tưr uô jâuz mor, zos têx kar hno, li: Njêk cxiaz, kaiz cxiaz, graix kaiz krưr blôngx chuz, tâu têx nênhs txơưx uô trâu yênhx tsuv tơưs pax pâus, tâu kruô kruôk nxiak.

 Txos Mộc Châu ndax jias no, têx kruô nuôv zax tsênhv tâu ndis nuôv zax txux chi ntơưv têx qơư nuôv zax nto mông têx xã, phường, li: Đrôngs mul tơư Mộc Châu; Qox iar Bạch Long; Qơư nuôv zax Happy land, Thax qơư nuôv zax har ntông chiaz jok Áng, têx jok nuôv zax  li: Jok Tà Số, Jok Dọi, Tổ Pêx xênhv Na Áng, Tổ Pêx xênhv Vặt Hồng; ndis têx qơư cênhz cưv cxiv tsa têz qơưk, txux chi, qơư ntux trâus têz xênhz jông, li: Hang Dơi, Qơư cênhz cưv por hưv têz qơưk Trung đoàn 52 Tây Tiến, Zênhx Mộc Lỵ; Chùa Chiền Viện. Zos iz jias chia piar kria trôngx têz, tiz nênhs Sơn La haik tas nro, Têz qơưk thax qơư nuôv zax Mộc Châu haik khênhx txos trâu tsôngv px thiaz kruô nuôv zax hâur têz qơưk cux li oz chas têz qơưk, cxơưz nuôv zax huôv tsar.

Tuần Txux chi – Nuôv zax Mộc Châu zos cxênhx xưv nthuôr txux chi, nuôv zax muôx txiax njis hâur shông ntơưv lax trôngz Mộc Châu muôx ntâu txux chi, thể thao, nuôv zax. Zos iz jias chia pêx xênhv thiaz kruô nuôv zax tuôx siz njiz, côngv nthuôr ntâu cêr lov jêv, xair zuôr têx hax huv trơưk siaz thiaz côngv nthuôr txux chi, thể thao, uô trâu tsôngv pêx xênhv hâur tỉnh Sơn La thiaz oz chas muôx cêr shir phaz.