Câuk luk số 94-KL/TU tưz yênhx cêr chai zov chênhr paz trâu huôv tsar nuôv zax ntơưv thax tsav Sơn La. Têx đề án zov chênhr tưz tâu fuô lês cxix cxuô thiaz ntov nti, “kriz cêr” trâu nuôv zax huôv tsar. Hâu ntơư, zuôr tsuv haik txos cêr tuôr xav cxiv tsa tỉnh Sơn La ntu 2021-2030, xav txos shông 2050, tâu Thủ tướng Chính phủ tso chai lês. Đros ntơư zos cêr tuôr xav Qơư nuôv zax têz qơưk Mộc Châu, cêr tuôr xav huôv tsar nuôv zax thax tsav đêx Đas, tuôr xav têx qơư nuôv zax Tà Xùa, Trôngz Pha Đin...

Zơưs Trần Xuân Việt, Phó Giám đốc Sở Văn hóa, Thể thao thiaz Du lịch, haik pâuz: Sở tưz moz siaz lês cov tiar têx chỉ tiêu Nghị quyết ntơưv Đảng bộ tỉnh jias tiv 15 tso tơưv. Zov chênhr zos cxiv tsa têx qơư nuôv zax, choz kria têx nênhs lês hâux lưv cov fiv huv, chia cov paz trâu nuôv zax nto mông hâur têz qơưk thiaz oz chas têz.

Têx cêr yêz, vax tsê zos têx zav zov chênhr ntơưv saz nuôv zax tưz tâu tỉnh moz siaz muôz nhiax lês, zov chênhr zos Dự án cêr yêz muk chênhr Hòa Bình-Mộc Châu, ntu đhâu thax tsav Sơn La, tưz tâu cxiv puôz uô ntêx 73 hnuz trơưk cêr tuôr xav. Ntu 2021-2025, tỉnh tưz phaiz yax 1.149 tỷ đaiv chia lês 14 dự án. Iz chas ntơư, Nghị quyết số 41/2022/NQ-HĐPX hnuz 31/8/2022 ntơưv HĐPX tỉnh lok sâuv paz huôv tsar nuôv zax ntu 2022-2026 tưz lês 4 zav: Huôv tsar nuôv zax; fuô kria nuôv zax; huôv tsar tiz nênhs lês hâux lưv coz thiaz paz huôv tsar nuôv zax jêx jok.

Côngz xưv fuô kria nuôv zax tưz tâu cxuô cấp, cxuô ngành ntơưv tỉnh moz siaz fuô lês jông, đros trâu ntâu têx tsưr ziv fiv huv, li: Kriz jias tưr cxaik zênhx zav, cxiv tsa video clip nuôv zax; kriz têx hâux lưv “Têx zav jông nhoz trâu Sơn La - Tây Bắc” ntơưv têx thành phố lox, li Hà Nội, thành phố Hồ Chí Minh, Đà Nẵng thiaz têz qơưk Lok Tsuôk… Yax hlo, Sơn La tưz moz siaz hlôngr pâur số hâur saz nuôv zax đhâu hâux lưv cxiv tsa đaiv ntơưr cok nuôv zax. Hâux lưv sir zôngv tsưr ziv nuôv zax “Sơn La Tour” zos hâux lưv zov chênhr, paz cxiv tsa tâu têx đuôz nuôv zax Sơn La tâu jông thiaz nhiav kruô nuôv zax.

Zơưs Vũ Xuân Nguyên, Chủ tịch Hội đồng saiz car Công ty cổ phần IGB (IGB Group), đơn vị muôz phần mềm, haik pâuz: “Sơn La Tour” tưz lês tâu jông hâux lưv txix li cxiv kho têx qơư uô hâux nov hâu yiaz nhiv no, paz tỉnh Sơn La yênhx iz hâur têx thax tsav fuô lês hâux lưv hlôngr pâur số nuôv zax cxix cxuô trơưk nov hâu thax tsav 2 cấp.

Nuôv zax Sơn La tưz lês tâu ntâu zav hâux lưv jông, lês tiar thiaz yax iz shông 2 cêr tuôr xav lox tâu Nghị quyết Đại hội Đảng bộ tỉnh jias tiv 15 tso tơưv, ntơư zos Qơư nuôv zax têz qơưk Mộc Châu tâu công nhav shông 2024; Thax tsav nuôv zax pak đêx tênhz điện Sơn La tâu muôz trâu hâur cêr tuôr xav huôv tsar nuôv zax têz qơưk ntu 2021-2030, tsov xav txos shông 2045. Yax hlo, Qơư nuôv zax têz qơưk Mộc Châu siz lơưr lias tâu Tổ chức Giải thưởng Nuôv zax ntiax têz (World Travel Awards) kruôk zos “Qơư tâu chôngz kruô nhiav tuôx ndis uô si tiv iz châu Á” thiaz 2 shông siz lơưr lias tâu công nhav zos “Qơư tâu chôngz lênhx kruô nhiav tuôx tiv iz ntiax têz”.

Txos nhiv no, Sơn La muôx 626 qơư so, 15 thax tsav, qơư nuôv zax tâu công nhav, hâur ntơư 1 Thax qơư nuôv zax têz qơưk; 1 Thax qơư nuôv zax cấp tỉnh thiaz 13 kror qơư nuôv zax cấp tỉnh. Têx nênhs lês hâux lưv saz nuôv zax muôx yax 7.000 lênhx nênhs, hâur ntơư muôx 60% têx nênhs uô nuv tưz đhâu cơưv shâuv. Trơưk tuôr xav, tas shông 2025, Sơn La zuôr tok 5,3 triệu pưs kruôk, yax 3 bâus njuôk li shông 2020; sâu nhiax tâu 6.300 tỷ đaiv, tsar 5 bâus njuôk li shông 2020.

Têx hâux lưv lês tâu jông ntơư zos kror muôx têx cêr chai zos, tưz paz trâu nuôv zax Sơn La huôv tsar tâu jông, iz thênhv jux juk yênhx saz sâu tâu nju nhiax txiax ntơưv tỉnh; tsi njênhk tâu côngz bê, yênhx qơư tâu chôngz lênhx nhiav ndis uô si trâu thax tsav Tây Bắc.