Tênhz tso zênhx zav “Xiv Lax trôngz Mộc Châu” muôx 24 gơưv zênhx zav thiaz zênhx zav  tus khênhx ntơưv têx nênhs cxaik zênhx zav, nênhs sâu báo tâu phaiz uô 2 phênhv: Phênhv 1 muôs têx đaiv zênhx zav lok sâuv gruôv pax, cêr đaz kruô txux chi cênhz cưv ntơưv têx tiz nênhs  Poz Ziz, Hmôngz, Cho…; đros ntơư zos tox trôngz hâur pêk jông ntơưv Thax qơư nuôv zax têz qơư Mộc Châu; paz kruô nuôv zax pâuz tâu mênhx têx zav jông thiaz têx txux chi txơưr hlo ntơưv cxuô zav nênhs sâuv lax trôngz Mộc Châu.

Phênhv 2 zos tênhz tso têx đaiv zênhx zav uô tâu jông yax huôv tsar nuôv zax nhoz trôngx têz lax trôngz Mộc Châu; pov njôngr huôv tsar nuôv zax njuôz hur thiaz truôx njês ntơưv têx xã, phường hâur Thax qơư nuôv zax Têz qơưk Mộc Châu thiaz haik tsênhz qơư sơưr ntơưv nuôv zax Mộc Châu đros ntâu shông siz lơư lias tâu côngk nhav zos Qơư tuôx saiz tox trôngz hâur pêk uô thơưx hlo ntiax têz. Tênhz tso no zuôr kriz tas đros Tuần Txux chi - Nuôv zax Mộc Châu 2025.

Ndax jâus no, UBPX phường Thảo nguyên tưz choz 1 zênhx tiv iz, 1 zênhx tiv oz, 20 zênhx tiv pêz thiaz 6 zênhx txơưr trâu têx nênhs tưr jâus “Check in Thảo Nguyên”. Jâus tưr chia cov saiz hloz thiaz yâu mông ntơưv tox trôngz hâur pênk, txux chi thiaz nux gri jông yax hâur thax tsav phường Thảo Nguyên txos chôngz kruô hâur zuk têz qơưk thiaz oz chas têz qơưk.