Thax qơư nuôv zax Mộc Châu Island, muôx qox iar Bạch Long zos tus qox ntêr yax hâur ntiax têz, Công ty cổ phần nuôv zax 26 Mộc Châu zos tsưr uô, txix thâuv uô tiar lok zôngv txos nhiv no tưz nto mông lus zos iz kror qơư kruô chia siaz yax thâuv tuôx nuôv zax txos Mộc Châu. Iz chas nuôv zax sâu qox iar Bạch Long, taz tov muôx 3 kror qơư nto mông yax ntiax têz, zos tus qox ntêr yar hâur ntiax têz, 632 thiar thiaz muôx txox cêr muk sâuv iz ntar tsuô ntêr yax hâur ntiax têz, txos ntơưv no têx kruô zuôr tâu ndis ntâu zav; kruô tso siaz lus xair qơư so tsêr kruô đoàn tàu lok sik thax qơư Glamping uô jông li 8 luz ntux iz ndis luz hnuz… 

Zơưs Hoàng Mạnh Duy, Phó Giám đốc thax qơư nuôv zax Mộc Châu Island, haik: Tok kruô tuôx so uô si jias xiaz 2/9, Mộc Châu Island kriz ciaz Suôz Kênhx hu fôngx zưs trơưk njiaz luk “Nxê nxênhk têx cêr jông siaz”, cov têx kruô thâuv tuôx txos ntơưv no tâu côngv ntâu cêr lov jêv txux chi jông, li: Por poz, sênhr chêr đhia pak shôngz, uô viar viak, sênhr chêr cho tsưz, đhia kênhx thiaz tuôr têk sênhr chêr… zos txux chi cxuô hair nênhs nhoz txơưv. Đros trâu hmo nthuôr cêr lov jêv muôx njiaz luk “Jông siaz Việt Nam” muôx têx suôz cưr cxiax zos txux chi cênhz cưv Tây Bắc thiaz têx suôz trax ntu hlôngr yiaz.

Txos lax trôngz Mộc Châu luz chaix no, iz chas tâu ndis têx qơư nuôv zax nto mông, li: Happy Land Mộc Châu, thax qơư nuôv zax tsas đêx Dải Yếm, Thax qơư so ndis uô si har thur jok Áng; Hang Dơi, Zênhx Mộc Lỵ, Qơư cênhz cưv Trung đoàn 52 Tây Tiến; têx qơư nuôv zax jêx jok... kruô nuôv zax cux tâu muk saiz thiaz đê têx txir hmaz txir ntông nhiv kruôr siar ntơưv vax chuô lax nzias.

Txos ntơưv qơư nuôv zax Bon Bon Farm HTX nuôv zax Kôngz lông Bon Bon, phường Mộc Châu, kruô lok six nhiav têx txir hmaz txir ntông nhiv kruôr muôz oz chas têz lok chos, li: Phúc bồn tử, sung Mỹ, txir lưk suôr zav txir Cherry, txir kiar mẫu đơn, chuôz thox hmaz Colombia… yênhx iz kror qơư jông chuôs ntux trâus têz xênhz, kruô lok six nhiav. Đros ntơư, HTX tưz tsi njênhk txuôv ntâu zav txir plâux cov txi txir thơưv shông, tok kruô tuôx nuôv zax.

Têx trôngz yuôx zêx njuôz xiaz cux zos qơư tâu chôngz kruô nhiav thâuv txos lax trôngz Mộc Châu, lar haik, li: Jok yuôx zêx Vinatea Mộc Châu, trôngz yuôx zêx trái tim, trôngx yuôx zêx vân tay, thax têz yuôx zêx jông ntơưv Công ty TNHH Chè Mộc Sương, trôngz yuôx zêx Mocha Hill...

Zơưs Ngô Huy Việt, Giám đốc Thax qơư nuôv zax Mocha Hill, haik: Pêz uô kôngz lông đros trâu huôv tsar nuôv zax, cov kruô muôx qơư ndis uô si, thax qơư chuô lax tâu côngv ntâu txux chi yuôx zêx Mộc Châu. Kruô tuôx txos ntơưv no, tâu đê yuôx zêx, pâuz nzir yuôx zêx tâu uô đhâu pêk tsơưs ntu, tâu hâuk yuôx zêx kaz ntơưv thax qơư cax siaz no… đhâu no kria têx yuôx zêx kaz Mộc Châu txos têx kruô pâuz chôngz đuô.

Thâuv tưz ndis tas têx qơư nuôv zax, nox têx kar no kaz ntơưv lax trôngz Mộc Châu, tsâuk ntux têx kruô ho muôx iz kror qơư xair muk ndis Phố đi bộ - Ciaz hmo ntux Mộc Châu, phường Thảo Nguyên chia saiz têx txux chi cênhz cưv; mnôngs cưr cxiax, saiz pêx xênhv cxuô hair nênhs ntơưv no sênhr chêr. Kror qơư no, tsênhv muôx ntâu zav txux chi Puôz Ziz, li: Têx chuôz zênhx sir zôngv, têx tôngx baz cxuô zav thiaz ntơưr Lâuk, têx tsôngk yo ntâuz pas...

Tâu cxuô tsêr luôv, HTX uô lax luôv siz chos côngv lês, nuôv zax taz tov huôv tsar trơưk têx zav muôx txơưv, txux chi cxuô hair nênhs tưz yênhx hax huv nuôv zax kruô nhiav, chuôz jos huôv tsar nhiax txiax nuôv zax, kruô hax zav nhiav tuôs ndis txos Têz qơưk thax qơư nuôv zax Mộc Châu yênhx iz kror qơư nuôv zax nhaz xênhz, kruô hâur têz qơưk thiaz oz chas têz qơưk nhiav.