Phênhv đruôz máy “Sơn La Tour” zos têx zav nuôv zax thôngz tsiz tâu cxiv tsa hâur faz số, zos IGB Group đros Sở Văn hóa, Thể thao thiaz Nuôv zax tỉnh Sơn La fuô lês. Têx zav lês huv ntâu tsar zav fuô mông li: Qơư nuôv zax; têx qơư jông saiz; txux chi jêx jok; huv cênhz cưv; nuôv zax so txuôs jos thiaz kar nox thax tsav. Phênhv đruôz máy tâu lês fiv huv ntâu zav siz huv txơưx fiv li: Bản đồ nuôv zax số, saiz car ntâuz ntơưr qơư tuôx muk, haik têx mông kruô nuôv zax thiaz phênhz têx nênhs zôngv txix AI.

“Sơn La Tour” tok txos cêr xav cxiv tsa iz faz tsưs nuôv zax thôngz tsiz, siz luôs thiaz txiax njis, txuôk chuôs ntov nti ntơưv kruô nuôv zax – nênhs pêx xênhv – tsêr luôv – cơ quan saiz car têz qơư. Phênhv đruôz máy uô nuv sâuv website thiaz têx faz tsưs txar qơư. Uô ntêx ntơư, IGB Group cux tưz paz cxiv tsa phênhv đruôz máy Mộc Châu Tour thiaz Quỳnh Nhai tour.

Ntơưv jâus cơưv, IGB Group tưz tsênhz mênhx zok faz tsưs phênhv đruôz máy nuôv zax thôngz tsiz “Sơn La Tour” trâu tỉnh Sơn La. Đros ntơư, chos luk uô trâu cêr lês hlôngr pâur số thax tsav. Hâur ntu zuôr txos, IGB zuôr tsik tsês paz max huôv tsar têx zav cêr xav yiaz, saiz têx ntâuz ntơưr, chok nxiak faz tsưs tsik so cxov cov tâu cêr khov vav tsênhz mênhx thiaz cêr lês chuôz zênhx jông fiv huv.