Pêz ntiar gox ntơưv iz ziv nênhs thax tsav chia ndis shuôk pak đêx. Cê tsav gox, tix lâus Hà Văn Thắng, jok Chiếu, xã Mường Cơi, cê thav kria: Shông 2012, njưs tâur đêx pak đêx Suối Chiếu tâu cxiv puôz đar yax 50 ha, ntiv yax 4 triệu m³ đêx, chia bax txâuk đêx zưs trâu par liax Mường Tấc thiaz thax tsav nhoz jê. Hâur têx shông đhâu, muôx ntâu kruô nuôv zax nhoz cxuô kror qơư pâuz txos, tuôx nuôv zax, muôx têx paz nênhs muk ndis shuôk, muk nur njêk, cơư đuôz, cxaik zênhx zav. Pêz tưz siz chos kriz tsưr ziv tsav gox muk ndis shuôk pak đêx Suối Chiếu đros trâu txix 200.000-300.000 nhiax/lưv.

Gox thâux pêz muk shuôk hâur đraz blaiv đêx, oz saz zos poz tsuôs shôngz ntông bos njuôz xiaz. Muôx ntu, gox tsênhv muk lok tâu trâu têx pak đêx zâu njias to. Têx thâuv, tsênhv hnor tâu têx nênhs nur njêk thav, đros têx suôz nôngs kuôx, suôz blôngx shôngz ntông jênhs, uô trâu tox trôngz hâur pês thiaz tiz nênhs muôx têx kror fiv huv.

Têx shông đhâu, pak đêx Suối Chiếu tưz gruô hu tâu ntâu tuz luôv muôz nhiax uô chia huôv tsar nuôv zax. Ndis shuôk iz lưv qơư nuôv zax Ban Mai Retreat ntơưv HTX Ban Mai, pov tâu tsêr kruô, tsêr so, pak đa đêx sor xênhz txơưv tâu cxưx nhiax uô đar pho, jông jav.

Tix lâus Tạ Nam Long, tsưr muôz nhiax uô qơư nuôv zax so txuôs jos, thav pâuz: Shông 2018, cur tưz muôx jias ndis shuôk pak đêx Suối Chiếu, pâuz tâu thax tsav no đêx ar huôz chuô lax nziak thơưv shông, muôx pak đêx sor. Shông 2020, cur tưz thor ntơưr chia tâu uô kror qơư nuôv zax so txuôs jos, đar yax 3 ha, xav hur si yax 10 tỷ nhiax. Txos hli 8/2024, qơư nuôv zax Ban Mai pak đêx Suối Chiếu tưz tâu UBPX tỉnh công  nhav. Pêz tưz cxiv tsa ntâu tsưr ziv nuôv zax ndis shuôk hâur pak đêx, li: Muk gox ndis shuôk pak đêx Suối Chiếu, tsav gox, nur njêk, tsa tsêr ntâuz; ndis shuôk pêx xênhv cxuô hair nênhs thax tsav txux chi, trâur tơưk côngv uô lov jêv, tuôr têk sênhr chêr, đhia pak.

Ndis shuôk pak đêx kror jông, pêz tâu nox têx jâuz mor kaz, li njêk chi; kaiz chi; jâuz chuz shơư txux lov. Yênhx zav jâuz mor tsik zos kaz lok nox mor xưz mak tsênhv chox pêx xênhv thax tsav cêr siaz đơưz, siaz jông. Pluôk mor yênhx jias ndis shuôk lov jêv, ndo njôngr tsik plox trâu pêz đruôz siaz.

Đros ziv nênhs ndis shuôk hâur pak đêx Suối Chiếu, tix lâusTrần Đại Nam, kruô nuôv zax tuôx ntơưv Hà Nội, thav pâuz: Pêz pâuz txos pak đêx Suối Chiếu đhâu ndâux luk kria pâuz ntơưv têx fôngx zưs thiaz têx đuôz jông gâux tso tơưv sâuv báo chí, mạng xã hội. Thâuv txos qơư, hur si ziv nênhs tưz pov tâu pak đêx lok six nyiaz, jông jav, njias to thiaz lax nziak. Ziv nênhs tâu muk sâuv gox ndis shuôk pak đêx, nur pêx xênhv thax tsav chor njêk cơư guôx thiaz tâu nox njêk, chưk ntâuk cxov cias ntơưv qơư. Cur têx mê nhuôv lok six nhiav tox trôngz hâur pês ntơưv no.

Têx shông đhâu, têx ziv nênhs nhoz jok Chiếu tưz pâuz nzaz nzơưv pak đêx Suối Chiếu chia zus njêk cơư guôx, đros trâu huôv tsar nuôv zax. Tix lâus Mùi Văn Lãm, Bí thư chi bộ, Hâu jok Chiếu, xã Mường Cơi, haik kria: Hur si jok muôx 66 luz guôx njêk, sâu nju nhiax txiax truôx njês. Tsik tas li, tsênhv kriz jias tsav gox thâux kruô muk ndis shuôk pak đêx, uô jâuz mor nox, nthuôr txux chi, haik cưr cxiax trâu kruô nuôv zax tuôx ndis shuôk tâu saiz. Đros trâu cêr xênhz txơưv, nuôv zax ndis shuôk pak đêx Suối Chiếu, đros trâu txuôs jông thax tsav txux chi zos faz tsưr ziv uô nox yiaz njênhs njôngr zuôr uô tâu ntâu kror lar kruôk trâu ntu zuôr txos.