Hmôngz luz suôz trax tav li txox cêr chia siaz, đênhr siaz thâuv lov jêv cux li muôx cêr qiv siaz. Kik luz suôz trax lok uô luk sênhr têx zav nhoz đruôz siaz, ndâux haik tsik tơưv, phix luk txos trâu tus nênhs ndo ndo hâur đruôz siaz. Li ntơư, taz sik, hâur ntu nênhx hlôngr yiaz niax hnuz nhiv no, phênhv ntâu têx hluôk tsuôk nhiav trax yiaz thiaz luz smartphone cux li ntâu zav muôx nhoz hâur xor tôngx lơưv xưz, uô trâu luz suôz trax plox jux juk, tsik yuô hnor yuiiz ntơv têx jêx jok lơưv”. Tùng Xênhv Thox, cưk txux Tsêr haik Cưr cxiax sênhr chêr, Trung tâm Txux chi, Thể thao tỉnh têx luk nưk thav kria, tưaz trâu sơưr đơưk pâuz mênhx đuô tiak zos li chak nưk ho nhiav luz suôz trax iz txưv têx lâus zênhx muôx trơưk cênhz cưv.

Nhiav luz suôz trax, lar haik yax mak trax Hmôngz thiaz tâu uô jông cơưv muôx pâuk muôx njik ntơưv yar cơưv Đại học Txux chi - Nghệ thuật Quân đội, tix hlâus Tùng Xênhv Thox zos iz tus uô ntêx nyuôk hâur fâuv hluôk Hmôngz tsik zos tsuôk nhiav trax xưz, nưk nhiav luôx juk têx txux chi cênhz cưv iz txưv muôx. Ntâu shông nthuôr txux chi, tix hlâus Tùng Xênhv Thox, tưz yênhx iz tus nênhs kria suôz trax Hmôngz trâu ntâu tuus hluôk, kria têx lớp cơưv, câu lạc bộ trax Hmôngz hâur thax tsav tỉnh. Chia txix no, têx hluôk tuz hluôk nxaik zênhv hnuz zênhv muôx chôngz lênhx pâuz nhiav trax đuô. Têx hluôk haik no, yuôz luz suôz trax tsik zos phênhv shuôv tsưx hưv txux chi xưz, nưk tsenhv zos blôngx siaz nhiav tưx zênhv yuôz, jông siaz zuk zos iz tus nênhs iz txưv nhoz tox siaz.

Muk txos yar cơưv PTDT nội trú tỉnh, zos kror qơư choz kria cxuô fâuv mê nhuôv hair nênhs tsơưs Sơn La, tâu njiz thiaz đros têx hluôk ntơưv Câu lạc bộ trax Hmôngz thav. Pâuz mênhx, ntơư zos kror qơư ntâu lênhx nhiav trax tâu têx shâuv xênhz kria zav txux chi jông ntơv iz hair nênhs. Tus cưr Hoàng Xênhv Vưx, Thơưx chox CLB trax Hmôngz, haik tiak: Yar cơưv nội trú zos kror qơư zôngx ziv chia tsa CLB cơưv shâuv hâur cxuô hnuz tâu siz chos cơưv shâuv. Nhiv no, CLB muôx 66 lênhx, puôr lênhx zos yuôz trax thiaz iz cxia txơưr zos txux chi Hmôngz. Tsuôk zos muôx six hơưv xưz, cxuô lênhx ho siz chos choxx trax muk yuôx trâu sơưr mnôngs cxuô qơư, haik mênhx zuk têx txux chi jông.

Iz txưv nhiav trax Hmôngz, ntâu tus hluôk nhoz trâu têx qơư nuôv zax taz tov zôngv têx zav zuk nhiav chia cê piar krai têx txux chi, ho cê muôx nzir nhiax txiax. Tuz Kỷ Xênhv Zax, shâuv xênhz lớp 12, Yar cơưv THPT Vân Hồ tưz cơưv yuôz trax txix thâuv tsênhv zâu, nhiv no tưz txơưx yuôx ntâu zav suôz sôngz, suôz lâuk, yuôz trơưk têx jax cưr cxiax thiaz cơưv nzir tsik tsês cov hax zav txơưx nzir. Nhiv no Kỷ tưz chuôs iz tus “cưk txux” hluôk tâu chơư muk yuôz trax trâu têx hnuz kaz tuần ntơưv kror qơư muk tơư uô si - Ciaz hmo ntux Mộc Châu, A Chu Homestay thiaz têx qơư nuôv zax nto mông txơưr.

Haik txos trox, Kỷ haik mak: Nưk lok six nhiav txix thâuv tsênhv zâu. Cxuô zav hâur đruoz siaz kêr luz suôz trax lok haik. Nưk thiaz 3 tus fôngx zưs tưz siz chos yuôz tras tsik so trâu têx kruô nuôv zax mnôngs. Luz luôs hâux lưv no, tưz paz nưk muôx nzir nhiax cơưv ntơưr thiaz cux paz nưk tâu njiz têx du kruô ntâu kror qơư, lar haik yax mak kruô nuôv zax oz chas têz qơưk, tâu piar zuk têx txux chi Hmôngz trâu sơưr đơưk pâuz. Nhiv no, ntâu lênhx hâur jok cux taz tov cơưv yuôz trax.

Txix li têx mê nhuôv tuz no txơưx nhiav trax, luz suôz trax hax zav tâu ntâu lênhx iz ndis nhiav mnôngs đuô. Hâux lưv tsưx hưv têx txux chi Hmôngz txix no cux tâu tsôngv hluôk pâuz nhiav thiaz siz chos tsưx hưv, nthuôr huôv luz suôz trax hâur ntu đros ntiax têz siz khov, huôv tsar txux chi ntu yiaz thiaz luz suôz trax Hmôngz zuôr hax zav huôv tsar đuô./.