Jias tưr muôx 33 lênhx côngv tưr tus khênhx; 8 paz côngv tưr paz pơưs nhoz trâu têx yar cơưv mê nhuôv zâuk, tiểu học thiaz THCS hâur thax tsav xã siz tưr ntơưv Qơư nuôv zax Mu Náu Farm. Têx tsôngk yo tưz tâu uô tiz jông bax txix li muôz cxuô zav pax uô: Pax txir nkhơưz, bax huôv tsar... đros trâu têx tsôngk hnar cênhz cưv ntơưv hair nênhs, tưz paz trâu uô tâu tsôngk yo jông. Haik txos phênhv tưr tus khênhx, tưr txix 3 - 7 phút; paz pơưs tưr txix 5 - 10, têx nênhs tưr tưz uô tiz jông tưr, chia fuô kria têx đuôz, tiz nênhs ntơưv lax trôngz Mộc Châu txos trâu têx fôngx zưs, kruô nuôv zax.

Đhâu phênhv tưr, chia paz fuô kria têx đuôz ntơưv Mộc Châu txos trâu têx kruô nuôv zax cxuô qơư; kruôk thiaz fuô kria têx tox trôngz, hâur pêk, têx txux chi txơưr hlo ntơưv Qơư nuôv zax Têz qơưk Mộc Châu - Thax qơư tâu chôngz lênhx nhiav tuôx ndis uô si tiv iz ntiax têz. Đros ntơư, fuô kria têx qơư nuôv zax nto mông hâur thax tsav phường Mộc Châu.

Suôx câuv jias tưr, Ban tổ chức tưz puz 3 giải iz, 2 giải oz, 3 giải pêz trâu têx phênhv tưr paz pơưs; puz 3 giải iz, 4 giải oz, 10 giải pêz trâu phênhv tưr tus khênhx. Iz chas ntơư, Ban tổ chức tsênhv puz giải txơưr trâu têx nênhs côngv tưr muôx tsôngk yo jông, tâu chôngz lênhx nhiav.