Txuv jâus kriz muôx nênhs hlôngr njêx muôs têx xã thax tsav tỉnh thiaz iz cxia xã ntơưv tỉnh Điện Biên, Lai Châu nhoz puôz ntus đêx tuôx côngv; đros chôngz tus vận động viên, pêx xênhv thiaz kruô nuôv zax hâur zuk tỉnh thiaz luôs tỉnh.

Jâus gruôv pax gruôv gox cênhz cưv shông no chơư tâu 120 vận động viên ntơưv 12 paz tuôx ntơưv têx jok, tiểu khu xã Quỳnh Nhai, têx xã thax tsav Quỳnh Nhai thiaz xã Nậm Hàng, tỉnh Lai Châu; phường Mường Lay, tỉnh Điện Biên. Têx paz tuôx tưr njiaz luk uô paz pơưs txir nênhx, gruôv gox đêz 1.500 thiar. Tưr gruôv gox zos gox jông li tư nôngs lur.

Cias tov kaz piz gruôv, têx paz tưr ntơưv têx xã piz gruôv ntơưv piz. Têx vận động viên muôx tsưr ziv cơưv shâuv thiaz tưr ntâu shông, gruôv uô khor kho thiaz muôx jos tưz uô tâu têx jâus siz châuv jông saiz hâur blaiv đêx njuôz xiaz.

Oz saz ntus đêx lox thiaz sâuv qox Pá Uôn, yênhx cxênhz tus nênhs kư, buôx tês nxias cxơưz jos tas siaz đros suôz đruôk đax, đruôk nênhz lov jêv ntưk, uô tơưv iz kro cêr lov jêv, pov njôngr cêr nox nhoz jông ntơưv hnuz gruôv pax thax tsav đêx lox. 

Jâus gruôv pax gruôv gox cênhz cưv yênhx shông đros trâu cêr huôv tsar truôx nuôv zax  txux chi cêr njênhs lênhx, nuôv zax tox trôngz hâur pêk đros yax 10.000 ha blaiv đêx  thax tsav pak đêx điện Sơn La. Đros ntơư, jâus gruôv pax tâu lês trơưr hâur yênhx shông chia siz chos tsưx tsês thiaz huôv nzir nux gri cênhz cưv txux chi jông ntơưv thax tsav đêx lox; muôx qơư uô si  gas siaz , muôx cêr siz njiz, cơưv shâuv thiaz siz khov tsôngv nênhs cxuô zav hâur zuk thiaz luôs tỉnh.

Jâus gruôv pax suôx câuv hâur cêr jông siaz luôs nxi ntơưv têx nênhs tâu gruôv gox  thiaz nênhs tâu saiz, chia ndo njôngr txos iz trôngx têz muôx txux chi thiaz nhiav kruô, chuôz tâu cêr kaz siaz, shir phaz, tok nrư trâu iz shông yiaz yênhx côngz.