Ntâu shông lok no,Tsêr mnov Trúc Lâm Hưng Quốc thiaz Trung tâm Txux chi cêr muôx lênhx Trúc Lâm Rặng Tếch zênhx zos qơư muôx chôngz tus pêx xênhv, nênhs nhoz tsêr mnov tuôx hlơưr shaz, cêr njênhs thor cov nhaz xênhz trâu iz luz shông yiaz tơưv.Chia tok taz pêx xênhv tuôx tsiv txiax los, cxix cxuô, cias luz hli ntux câuv Oz xiaz, Ban Trị sự Giáo hội Phật giáo Việt Nam tỉnh tưz cov bax cxuô zav; qơư tsêr mnov tâu kho đuô hur jông, txix trôngx lôngs pêz txox cêr, yar tiax tsêr mnov txos trâu tsênhz điện…cxuô zav tâu kho jông fiv huv đros qơư xav muôx lênhx. Yax 100 tsoz ntông mai pax đax, pax cúc cxiax niax puôk shông, tsiax nênhk muôx lênhx tâu tênhz tso ntơưv yar tiax tsêr mnov, tsik muôs qơư đar saz đrâuv fiv, uô qơư jông txơưr hlo trâu têx kruô nuôv zax.

Đại đức Thích Khai Bảo, Ủy viên Thường trực Ban Trị sự Giáo hội Phật giáo Việt Nam tỉnh, thav pâuz: Ban Trị sự tưz phaiz cov têx tăng ni, phật tử jor, kria pêx xênhv hlơưr shaz, lês chai đaz kruô zos txox chai. Tok nrư yênhx tus pêx xênhv thâuv tuôx txos  tsêr mnov tsik zos thor cêr cax siaz, muôx hmôngr trâu ziv nênhs xưz, mak tsênhv zok tâu cêr cax siaz hâur zuk siaz njưk,  khơưk tsês têx nux gri jông hur, kria tiz nênhs cêr nox nhoz siz hluz, ndax ndênhk trâu shông yiaz.

Chia muôx luz Tsiaz khaz sênhz lus, sor siaz, iz chas bax tsês tsêr mnov tsênhv trâu siaz paz ntâu tus phật tử thiaz nênhs pêx xênhv. Lơưr chia six hơưv qêz suô khâuz nhaz, kho, đhok tênhz lôngx, tsa têx jông qơư ... Cêr uô nuv kriz lus siz ndơưs, lênhx tưs cux jông siaz đros trâu tok nrư tâu paz iz phênhv đas jos txos trâu hnuz Tsiaz ntơưv tsêr mnov.

Pos Phùng Thị Mai, iz phật tử ntơưv phường Chiềng Sinh, thav tiak: Têx hnuz jê Tsiaz, tiz nênhs tuôx tsêr mnov Trúc lâm Hưng Quốc hlơưr shaz chôngz li ntơư pêz khênhr  jor paz têx tăng ni taz tok pêx xênhv, sâu luk thox cêr cax siaz, nthuôk cxuô tus nênhs  txuôs qơư muk lok hur si, chok nxiak thax tsav tsêr mnov hur si đu lus.

Têx qơư txuôs  tsês cêr uô têz qơư, txux chi zos Trung tâm Txux chi - Thể thao tỉnh saiz car cux bax trơưr tok kruô hâur luz pax Tsiaz. Txux fiax Quế Lâm ngự chế - Thax txi huôz taik Lê Thái Tông, iz hâur plâuz kror qơư txuôs tsês cêr uô têz qơư tsênhv chênhz, tưz tâu cxiv tsa cxuô zav jông txix shông 2023. Cxuô zav li yar thênhv  yêz, trôngx lôngs, yar tiax, iz ndis muôx ntông njuôz tâu uô tiar, chuôz jos zôngx  ziv trâu pêx xênhv thiaz kruô  nuôv zax hlơưr shaz, thor hơưv.

 Luz pax Tsiaz yênhx shông, iz hnuz, Thax txi huôz taik Lê Thái Tông muôx li 3.000 - 5.000 pưs kruô. Chia nhaz xênhz hâur luz pax Tsiaz, đơn vị saiz car tưz cxiv tsa phaiz cán bộ, viên chức jor Tsiaz ntơưv qơư txuôs tsês, tsik so  chok nxiak njias to tưx zưv, phax tar cuz tơưs, txuôs cêr jông hur thiaz kria pêx xênhv lês têx cêr nox nhoz tsiv txiax thâuv tuôx ndis thor txi.

Zơưs Phạm Văn Tuấn, Thơưz phòng Tsêr puôr fênhx thiaz Tsêr trâu ntơưr, Trung tâm Txux chi - Thể thao tỉnh, thav pâuz: Đơn vị tưz yuôx têx điện, muôx cxix cxuô  têx zav tuô hluôr tơưk cuz ntơưv qơư; qơư hlơưr ntơưr nhiax cuz tâu xav trâu qơư txơưr hlo, muôx fiax kria mênhx pêv, chok nxiak đrus đêz nhaz xênhz, tsik chia muôx yưv cêr cuz tơưs. Côngz xưv taz nhav côngz hmôngr jông tâu kriz lus, mênhx pêv, muôx fâu ntơưr sâu saiz njôngr. Iz chas ntơư, đơn vị kriz qơư sâu ntơưr pax tror kaz, têx khơư luk tưr cxiax cxaik Tsiaz tov yar puôv thax txi, chuôz tâu cêr txux chi hâu shông yiaz, fiv huv cêr khov saiz zuôr, nuôv zax ntux yiaz ntơưv pêx xênhv.

Chia fiv cêr khov ndis saiz, muk lok ntơưv pêx xênhv thiaz kruô nuôv zax cxuô qơư, ntâu thax tsav, qơư txuôs tsês tưz sir jos hlôngr pâur số, sir zôngv qêz mã QR paz max côngz xưv thav kria; muôx đêx hâuk tsik thêv nhiax; cxiv tsa têx qơư cxaik zênhx zav check-in fuô kria, yâu mông njux đuôz qơư tuôx ndis... Txix li bax cxix cxuô, cxuô qơư txuôs tsês cêr uô têz qơư, txux chi thax tsav tỉnh tưz tok nrư tok têx kruô luz ntux yiaz, hâu shông yiaz.