Haik txos hair nênhs Poz ziz, đêx zos zav tsênhv chênhz chia paz max trâu pêx xênhv uô kôngz lông thiaz sir zôngv hâur luz nênhx cxuô hnuz. Puôs thâuv nzor, pêx xênhv puôr lênhx xair têx thax qơư muôx đêx chia cxiv tsa jêx jok, uô vax tsê. Zos haik tiak têx liax nhoz siaz, mak yuôz đêx zos zav chuôz zênhx tsênhv chênhz chia cir, tso đêx muk trâu têx liax, paz max uô kôngz lông cxuô zav.

Tâuk tus đêx Nặm É, sơưr đơưk zuôr pov yênhx châuv luz yuôz đêx tso đêx muk trâu têx liax. Yuôz đêx tâu uô txix li têx shôngz, ntông zênhx muôx ntơưv thax tsav, cxuô luz yuôz đêx tâu uô tiar zos têx cêr sir jos thiaz moz siaz ntơưv ntâu fâuv nênhs. Txix li luz yuôz đêx cir, tưz uô trâu tso tâu têx đêx muk trâu thax qơư siaz cov ntưk muk trâu têx liax.

Yuôz đêx puôr lênhx đros đraiv hair nênhs Poz ziz luz nênhx cxuô hnuz puôs thâuv nzor lok, cux tsik tâu pâuz mênhx yuôz đêx muôx puôs thâuv tưs lok. Muôv Cà Thị Ngoan, jok Nong Lạnh, xã Long Hẹ, thav pâuz: Thâuv tsênhv zâu, cur tưz pov yuôz đêx lơưv. Thâuv ntơư, phênhv ntâu têx zis muôx liax nhoz jê đêx, mak cux pâuz uô yuôz đêx. Txix li muôx yuôz đêx, pêz hair nênhs luz nênhx cux tâu jông đuô.

Chia cov têx yuôz đêx khor ntêr, mak zuôr tsuv xair têx shôngz cov lâuk thiaz khor kho. Têx shôngz tâu muôz fuô, joz cov jông gâux, tas ntơư mak muôz hiaz cov yênhx iz luz câux vaz. Hâur luz câux vaz ntơư mak đhok têx trax shôngz chia ntiv đêx. Hur si luz yuôz đêx no tsuôk zos tưx gra đêx, tsik sir zôngv điện cxuô zav. Thâuv ntêx, yuôz đêx tsuôk zos muôz ndâu  par xưz, taz sik nhiv no, chia cov khor ntêr, pêx xênhv tưz pâuz sir zôngv xor hlâu lok khi thiaz sir zôngv ntâu chuôz zênhx paz max txơưr, taz sik cux tsik txơưr li yuôz đêx thâuv ntêx.

Muôv Cà Thị Ngoan thav pâuz nzir: Muôx têx shông ntux nas, đêx cuôr, tsuôk zos tov kaz iz hmo xưz, têx yuôz đêx tưz mas yôngz hur tiz si. Taz sik, tov kaz ntơư pêx xênhv tưz côngv têk chia uô têx yuôz đêx yiaz, tưz tsik zos tso đêx lok trâu liax xưz, mak tsênhv paz trâu têx mê nhuôv pâuz txos fâuv lâuk têx tsưr ziv, nhiav zuk hair nênhs têx txux chi, cênhz cưv.

Yuôz đêx zos iz hâur têx txux chi, cênhz cưv txơưr hlo ntơưv hair nênhs Poz ziz zuôr tsuv tâu tsưx truôx. Tix lâus Lò Văn Tường, Bí thư Đoàn xã Long Hẹ, thav pâuz: Đoàn viên, thanh niên têx chi đoàn puôr lênhx cxaik zênhx zav, cxiv tsa video kria pâuz yuôz đêx thiaz têx qơư jông gâux ntơưv thax tsav chia muôz trâu sâuv mạng xã hội. Hâux lưv ntơư paz fuô kria cênhz cưv trâu fâuv luôs thiaz tsênhv lês nto mông đêz đar têx đuôz ntơưv thax tsav, gruô hu kruô nuôv zax thiaz cxơưz paz huôv tsar nuôv zax jêx jok.

Nhiv no, txix li kror moz siaz paz ntơưv têz qơưk, têx cưx đêx ntơưv thax tsav xã Long Hẹ zênhv hnuz zênhv tâu lês tiar. Zơưs Phạm Văn Cầu, Phó Chủ tịch UBPX xã Long Hẹ, thav pâuz: Txơưv têx cưx đêx tưz muôx txâuk chia tso đêx tâu pêx xênhv sir zôngv, taz sik pêx xênhv tsênhv tsưx tâu jông têx txux chi, cênhz cưv, cxơưz paz cxiv tsa thax tsav jông txơưr hlo thiaz têx cênhz cưv tâu tsưx truôx, nthuôr huôv.

Hâur luz nênhx cxuô hnuz, têx yuôz ntơư tus đêx Nặm É tsênhv cir jông, cxơưz paz muôx txâuk đêx trâu têx liax thiaz tsưx tâu jông têx txux chi, cênhz cưv ntơưv hair nênhs Poz ziz nhoz trâu xã Long Hẹ./.