Hâur cxuô kror qơư, txix li thax tsav đrôngs txos trâu tox siaz, đriv têz tưz piz tsa qix liaz vos, cxuô lênhx cxuô tus puôr lênhx hnar tsông yo jông jav, đros trâu ntâu cêr chia siaz. Jias kriz shông cơưv yiaz tâu kriz cias ntơưv qơư thiaz kriz yưv tivi hâur hur si têz qơưk.

Qơư zov chênhr tâu kriz ntơưv Yar cơưv Phổ thông nội trú Mường Khương, xã Mường Khương, tỉnh Lào Cai. Thủ tướng Chính phủ Lê Minh Hưng côngv. Cxuô tỉnh, thành phố puôr lênhx muôx qơư kriz yưv tivi chia txuôk txos ntơưv thax qơư zov chênhr, đros trâu cêr côngv têk ntơưv têx đồng chí thơưx car Đảng, Têz qơưk.

Ntơưv tỉnh Sơn La, đồng chí Võ Thị Ánh Xuân, Bí thư Trung ương Đảng, Phó Chủ tịch têz qơưk đros paz côngz xưv ntơưv Trung ương tưz côngv Jias kriz shông cơưv yiaz 2026–2027 thiaz kriz uô tiar Yar cơưv Phổ thông nội trú Tiểu học thiaz Trung học cơ sở Chiềng Sơn.

Jias kriz shông cơưv yiaz 2026-2027, hur si têx yar cơưv hâur têz qơưk tưz lês hâux lưv hơưv qix, hu gâux tiz cxix chia saiz hloz shông cơưv yiaz thiaz mnôngs ndâux luk chox car ntơưv Tổng Bí thư, Chủ tịch têz qơưk Tô Lâm, mnôngs suôz đuôk, paz muôx cêr shir phaz, thôngx iz trôngs luk hâur cxuô qơư, cxuô yar cơưv. Têx yar cơưv nội trú liên cấp thax tsav đriv têz txâuk chai zuôr kriz uô tiar hâur luôs hâux lưv no.

Hla trâu shông cơưv yiaz no, saz Choz kria ntơưr Sơn La tưz muôx ntâu zav hlôngr yiaz lok sâuv têx qơư choz kria ntơưr. Lês trơưk chox car ntơưv Thủ tướng Chính phủ, hur si tỉnh tưz lês tiar hâux lưv cxiv kho đuô 406 yar cơưv, grik 186 yar cơưv njuôk li thâuv tsik tâu muôz lok uô cê. Muôx yax 24.000 cán bộ, cưk kria, bax cxix cxuô zav chia lês têx hâux lưv hâur shông cơưv yiaz. Yax hlo, 13 Yar cơưv Phổ thông nội trú Tiểu học thiaz THCS têx xã đriv têz tưz tâu uô tiar, muôz lok sir zôngv hâur shông cơưv no zuôr paz đas jos lox hloz, paz muôx qơư cơưv shâuv tâu jông đuô thiaz paz trâu shuv xênhz têx niav txir tso siaz đuô, cxơưz paz choz kria tâu têx nênhs uô nuv coz trâu thax tsav đriv têz.

Lês trơưk đraiv njiaz luk “Hlôngr yiaz tsưr ziv lês hâux lưv - Pâuz mênhx têx zav lês tâu”, saz Choz kria ntơưr Sơn La hla trâu shông cơưv yiaz 2026-2027 đros trâu cêr sir jos muôz têx shuv xênhz saiz hloz chia lês cxuô luz luôs hâux lưv, bax cxuô zav, sir jos chia cov lês tâu ntâu zav yênhx côngz.

Shir phaz đros têx cưk kria thiaz shuv xênhz hâur Hnuz grâuv pax tuôx cơưv ntơưr, têx đồng chí thơưx car Tỉnh ủy, HĐPX, UBPX, Ủy ban MTTQ Việt Nam tỉnh thiaz têx sở, ngành, thax tsav tưz tuôx côngv, puz pax, puz huv phôngv côngz têx cưk kria, shuv xênhz, yar cơưv thiaz côngv têx hâux lưv muôx txiax njis tok shông cơưv yiaz.

Côngv Jias kriz shông cơưv yia 2026–2027 thiaz uô tiar Yar cơưv Phổ thông nội trú Tiểu học thiaz Trung học cơ sở Chiềng Sơn, tỉnh Sơn La muôx têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; Nguyễn Đình Việt, Phó Bí thư Tỉnh ủy, Chủ tịch UBPX tỉnh; têx đồng chí Ủy viên Ban Thường vụ Tỉnh ủy, Thường trực HĐPX, UBPX, Ủy ban MTTQ Việt Nam thiaz têx sở, ban ngành ntơưv tỉnh.

Jias kriz shông cơưv yiaz 2026-2027 thiaz uô tiar Yar cơưv Phổ thông nội trú Tiểu học thiaz Trung học cơ sở Chiềng Sơn tâu kriz yưv tivi txos ntơưv Yar cơưv Phổ thông nội trú Mường Khương, xã Mường Khương, tỉnh Lào Cai thiaz têx qơư txơưr hâur hur si têz qơưk. Luôs hâux lưv tâu kriz sâuv VTV1 ntơưv Đaiv Xa đuôz Việt Nam; sâuv Snews, STVgo, têx yôngx fanpage ntơưv Báo thiaz Xor tôngx chuô, xa đuôz Sơn La.

Hâur cêr shir phaz hla trâu shông cơưv yiaz, têx đại biểu, hur si cán bộ, cưk kria, shuv xênhz ntơưv têx Yar cơưv Phổ thông nội trú Tiểu học thiaz Trung học cơ sở Chiềng Sơn đros têx yar cơưv tưz tiz cxix hơưv qix, hu gâux, ntâuk đruôk. Lês hâux lưv txiar ntâuz uô tiar thiaz muôz lok sir zôngv Yar cơưv Phổ thông nội trú Tiểu học thiaz Trung học cơ sở Chiềng Sơn tưz tâu lês tiz cxix.

Yar cơưv Phổ thông nội trú Tiểu học thiaz Trung học cơ sở Chiềng Sơn tâu piz txix li hli 11/2025, hur si nhiax lês hâux lưv 230 tỷ đaiv, đar 5 ha, muôx 23 zav hâux lưv zov chênhr. Đros trâu kror moz siaz "100 hnuz hmo lês hâux lưv" zênhx max, tov kaz 10 hli, luz yar cơưv tưz uô tiar, bax cxix cxuô zav chia tok têx shuv xênhz tuôx cơưv ntơưr hâur shông cơưv 2026-2027, paz zôngx ziv trâu têx shuv xênhz đriv têz tâ cơưv shâuv hâur yar cơưv muôx cxix cxuô zav, paz choz kria tâu têx nênhs lês hâux lưv coz trây thax tsav. Tov kaz yar cơưv uô tiar, muôz lok sir zôngv, Yar cơưv Phổ thông nội trú Tiểu học thiaz Trung học cơ sở Chiềng Sơn zuôr muôx txâuk trâu yax 1.000 lênhx shuv xênhz ntơưv thax tsav đriv têz Chiềng Sơn tuôx cơưv ntơưr. 

Shông cơưv yiaz 2026-2027, Yar cơưv Phổ thông nội trú Tiểu học thiaz Trung học cơ sở Chiềng Sơn muôx 980 lênhx shuv xênhz cơưv txix khối 3 txos trâu khối 9, phênhv ntâu zos shuv xênhz hair nênhs tsơưs. Yar cơưv tưz tsa tơưv têx tổ chuyên môn, tổ văn phòng thiaz têx tổ chức đoàn thể; phaiz cưk kria ntơưr thiaz têx nênhs saiz car shuv xênhz.

Hâur cêr shir phaz Jias kriz shông cơưv yiaz thiaz uô tiar yar cơưv yiaz, đồng chí Võ Thị Ánh Xuân thiaz đồng chí Hoàng Văn Nghiệm tưz puz pax phôngv côngz Yar cơưv Phổ thông nội trú Tiểu học thiaz Trung học cơ sở Chiềng Sơn; puz huv trâu yax 70 lênhx shuv xênhz njiz ntâu cêr phiv liv, cơưv coz hâur Yar cơưv Phổ thông nội trú Tiểu học thiaz Trung học cơ sở Chiềng Sơn; chos ntông hâur yar cơưv yiaz.