Côngv nthuôr txux chi tsôngv nênhs tâus cêr lox muôx yax 200 tus cưk txux, nênhs haik txux pêx xênhv tuôx ntơưv 4 xã, phường Mộc Châu, Mộc Sơn, Thảo Nguyên thiaz Vân Sơn. Têx cưk txux phaiz uô 2 paz, ndis muk lok, nthuôr txux chi cưr cxiax sênhr chêr tuôr têk Poz Ziz, đhia kênhx, sênhr chêr cho tsưz... ntơưv pêx cxuô zav nênhs Hmôngz, Cho, Maz.

Têx cêr nthuôr txux, paz pêx xênhv thiaz kruô nuôv zax pov ntơưv têx ntu cêr têz qơư 6, yar tiax UBPX phường Mộc Sơn, têx qơư ndis tổ dân phố 3 thiaz 7, phường Mộc Sơn thiaz Yax tiax lox 8/5, phường Mộc Châu.

Nthuôr txux tsôngv nênhs tâus cêr lox zos nuv uô gas siaz txơưr hlo ntơưv hnuz gruôv pax lax trôngz Mộc Châu. Txix txux chi cxuô zav nênhs, têx nuv uô tưz muôx cêr lov jêv đrông ntưk, cax siaz, chơư tâu chôngz tus pêx xênhv thiaz kruô nuôv zax tuôx côngv nthuôr, lês siv; paz txuôk tâu cêr thôngx siaz ntơưv tsôngv nênhs thiaz paz yâu mông têx jông txux chi cxuô zav nênhs txos fôngx zưs hâur zuk têz qơư thiaz ntiax têz.