Moz siaz kho đuô, tsi njênhk chia cov cêr muk lok thôngz plơưk

Têx hnuz no, hâur txox cêr yêz têz qơưk 6C, ntu đhâu têx xã Mai Sơn thiaz Yên Sơn, têx đơn vị lês hâux lưv taz tov moz siaz bax mair chia lês tiar têx hâux lưv kho đuô cêr. Tsik so muôx njêx muôs hâur thax tsav chia chox car lês hâux lưv, zơưs Đỗ Xuân Hảo, Giám đốc Công ty TNHH iz thành viên Hữu Hảo Tây Bắc, thav pâuz: Công ty taz tov kho đuô ntu cêr ntêr 6 caik, six hơưv lês hâux lưv txix hli 1/2025 txos hli 9/2026. Txos nhiv, dự án tưz lês tiar zuôr luôs 95% hâux lưv. Đơn vị taz tov gruô hu tiz nênhs, bax cxix cxuô zav chuôz zênhx chia lês hâux lưv cov tiar trơưk đraiv cêr tuôr xav; đros ntơư, cxênhz yuôx ntov nti thax tsav thiaz sir jos lês tiar cov tâu sai.

Haik txos cêr têz qơưk 6C, côngz xưv saiz car, por hưv txox cêr tưz tâu fuô lês tsik tsês. Txix hâu shông txos nhiv no, Sở Cxiv puôz tưz cxênhz 16 ntâuz ntơưr cxiv kho đuô cêr muk lok, cxênhz 26 công trình. Iz chas ntơư, tỉnh tsưx truôx hâux lưv saiz car 100% têx cêr têz qơưk, cêr tỉnh; fuô lês 7 dự án kho cêr trơưk cêr tuôr xav shông 2025 thiaz 7 dự án kho đuô shông 2026, đros trâu hur si ntêr 16,35 caik.

Đros trâu hâux lưv kho đuô têx cêr, cxaz nzir têx tsưr ziv por hưv tsav yêz tâus cêr nhaz xênhz, têx ngành muôx vax huôv tưz siz khov đros têx thax tsav moz siaz saiz car, por hưv têx cêr yêz; tu zênhx max têx hâux lưv muôx yưv. Đhâu cxênhz, hâur têx cêr têz qơưk, cêr tỉnh nhiv no muôx 28 kror qơư hâur cêr têz qơưk thiaz 55 kror qơư hâur cêr tỉnh nziv zuôr muôx yưv têx hâux lưv phiv liv; muôx 256 kror qơư muôx trôngx vas yar cơưv zuôr tsuv đơưk têx cêr chor nhov chia cov têx shuv xênhz muk lok nhaz xênhz, hâu ntơư 72 kror qơư nhoz hâur cêr têz qơưk thiaz 184 kror qơư nhoz hâur cêr tỉnh. Sở Cxiv puôz tưz cxiz cov saz lax muôz têx dự án đơưk têx cêr phiv liv no trâu hâur cêr tuôr xav muôz nhiax lês nuv ntu shông 2026-2030; đros ntơư, tror cxiz cov tror moz siaz đơưk zênhx max têx cêr phiv liv hâur thax tsav trơưk đraiv cêr tuôr xav hâur yênhx shông.

Haik txos cêr yêz jêx jok, đhâu cxênhz yuôx, hur si tỉnh muôx 1.814 caik cêr tsik tâu cxiv puôz; 261 tus qox tưz sir zôngv ntâu shông, ntâu công trình zuôr tsuv tâu kho đuô lok sik cxiv puôz yiaz. Ngành Cxiv puôz tror siz khov đros têx xã, phường fuô lês hâux lưv cxiv puôz cêr đros trâu njiaz luk “Pêx xênhv uô, Têz qơưk paz”, lês hâux lưv huôv tsar cêr yêz đros trâu lês Têz qơưk luôs hâux lưv cxiv tsa jêx jok yiaz ntu 2026-2030.

Iz thênhv jux juk lês tiar hâux lưv cxiv kho têx cêr muk lok

Tưz tsik zos moz siaz saiz car, kho đuô têx cêr nhiv no muôx, tỉnh cux tưz sir zôngv nhiax chia uô têx cêr muk lok, paz max chia huôv tsar nhiax txiax - xã hội.

Zơưs Nguyễn Sơn Hồng, Thơưx phòng Saiz car cêr yêz muk lok, Sở Cxiv puôz, thav pâuz: Hâur Đề án huôv tsar cêr yêz muk lok thax tsav tỉnh Sơn La ntu 2026-2030, tưz muôx 10 dự án tâu muôz trâu hâur cêr tuôr xav lês nuv thiaz cxiv tsa ntâuz ntơưr khov muôz nhiax lês hâux lưv, đros trâu ntêr yax 287 caik, hur si nhiax lês hâux lưv yax 11.103 tỷ đaiv. Hâu ntơư, 2 dự án tưz tâu fuô lês, 8 dự án taz tov cxênhz chia muôz nhiax lês hâux lưv.

Têx dự án phênhv ntâu zos lês trâu têx cêr muôx qơư sơưr zov chênhr chia txuôk trâu têx thax tsav, têx qơư nuôv zax thiaz têx cêr zov chênhr li, cêr tỉnh 104 Mộc Châu - Tân Lập; cêr tỉnh 112 Bắc Yên - Làng Chếu; cêr tỉnh 102 Tân Xuân - quốc lộ 43; cêr tỉnh 117C Chiềng Sơ - Púng Bánh; cêr tỉnh 108 Thuận Châu - Co Mạ...

Yax hlo, dự án cêr yêz muk chênhr Hòa Bình - Mộc Châu, ntu hâur thax tsav tỉnh Sơn La, taz tov moz siaz lês cov tiar. Hâur dự án thành phần yaik pêx xênhv nhoz đuô qơư yiaz ntơưv Vân Hồ, 4 thax qơư tưz tâu cxiv puôz, xav tâu zuôr luôs 60%; yêv ndêx điện tâu zuôr luôs 90%. Tưz lês tiar hâux lưv yaik pêx xênhv nhoz trâu qơư yiaz chia cxiv puôz 2 kror qơư so thiaz 32,33 caik cêr, tâu 96,97%. Thax tsav Mộc Châu tưz lês tiar 100% têx hâux lưv sâu ar tror kaz chia lês hâux lưv. Haik txos dự án cxiv puôz cêr yêz muk lok, hur si têx zav lês tâu xav tâu zuôr luôs 240/3.482 tỷ đaiv.

Iz chas têx hâux lưv taz tov fuô lês, tỉnh tror moz siaz bax muoz nhiax chia lês têx dự án muôx txiax njis hâur thax tsav. Hâu ntơư, dự án kriz txox cêr yêz muk chênhr Hòa Bình - Mộc Châu, ntu đhâu Sơn La, txix 2 hax yêz ndê txos 4 hax yêz, nhiax lês hâux lưv tuôr xav tas 5.026 tỷ đaiv. Ntu cêr yêz muk chênhr Mộc Châu - Sơn La - Điện Biên, ntu hâur thax tsav tỉnh Sơn La, ntêr 182 caik, đar 4 hax yêz, xav nhiax tas 59.588 tỷ đaiv. Tỉnh tror moz siaz siz khov gruô hu muôz nhiax chia uô Yar yêz za Nà Sản.

Tuôr xav moz siaz muôz nhiax chia huôv tsar cêr muk lok trơưk faz cxix cxuô, paz muôx cêr siz khov trâu têx thax tsav, paz huôv tsar nuôv zax, đrôngs, qơư lês hâux lưv thiaz trôngx lôngs. Tỉnh pêz taz tov moz siaz muôz nhiax kho đuô têx cêr yêz 37 ntu Gia Phù - Cò Nòi; cêr yêz 43 ntu Gia Phù - Trôngx lôngs Lóng Sập; qox Vạn Yên hâur cêr têz qơưk 43; cêr tỉnh 102 Chiềng Sơn - Tân Xuân; cêr tỉnh 104 Mộc Châu - Tân Lập; cêr tỉnh 101 Vân Hồ - Quang Minh; cêr tỉnh 112 Bắc Yên - Làng Chếu; cêr tỉnh 109 Nặm Păm - Ngọc Chiến...

Cxuô ntu cêr tâu kho đuô, tưz paz iz thênhv jux juk cxiv kho tâu têx cêr muk lok nhaz xênhz. Đhâu ntơư, paz zôngx ziv chia pêx xênhv muk lok, txo tsơưs six hơưv muk lok, paz muôx cêr siz khov, paz huôv tsar nuôv zax, chuôz jos zov chênhr chia huôv tsar nhiax txiax - xã hội ntơưv tỉnh.