Côngv cxiax cxênhv muôx nênhs hlôngr njêx muôs thơưx car huyện Sốp Bâu, tỉnh Hủa Phăn, têz qơư Lok Tsuôk; nênhs hlôngr njêx muôs thơưx car têx xã, phường thax tsav Mộc Châu thiaz chôngz tus cán bộ, pêx xênhv, kruô nuôv zax oz tos đriv têz.

Lóng Sập zos xã đriv têz muôx 14 jok đros 6 hair nênhs côngv nhoz, muôx yax 30 caik cêr đriv têz puôz têz qơư Lok Tsuôk thiaz muôx Trôngx lôngs đriv têz Ntiax têz Lóng Sập. Saiz hloz hnuz tsa tâu Têz qơưk 2/9, xã kriz ntâu nuv siz nthuôr txux chi, thể thao lov jêv, li: Ciaz chaix tox siaz đriv têz, tsêr txux chi cxuô zav nênhs, kriz têx nuv siz chos nthuôr haik cưr cxiax, txux chi, thể thao…, muôx cêr lov jêv, cax siaz, đros cêr siz khov ntơưv pêx xênhv oz tos đriv têz.

Ndis saiz têx qar tsêr huv thiaz tsêr txux chi, đồng chí Hà Trung Chiến tưz kruôk txos cêr bax, cxix cxuô ntơưv cấp ủy, nov hâu thax tsav hâur côngz xưv kriz lês. Đồng chí muôx luk phôngv côngz jông yax txos hur si pêx xênhv đriv têz trâu hnuz tsiv gri lox hloz ntơưv tiz nênhs. Đros ntơư, cxiz cov xã Lóng Sập tror huôv nzir cêr thôngx siaz, tsưx tsês thiaz yâu mông txux chi jông ntơưv cxuô zav nênhs; sir jos siz tưr khưr uô kôngz lông, huôv tsar nhiax txiax - xã hội đros por hưv truôx vax huôv, njias to đriv têz qơưk, bôngs nzir cêr thôngx siaz siz trâus jông ntơưv pêx xênhv oz tos đriv têz Việt Nam – Lok Tsuôk.

Uô ntêx ntơư, paz côngz xưv tưz hlơưr shaz ntơưv Qơư txuôs tsês zơưv Hloz Hôx thav pêv đros cán bộ, công nhân Nông trường Mộc Châu, ndo txiax njis, uô tsâus têx zênhz côngz lox hloz ntơưv Chủ tịch Hồ Chí Minh txos xưv cxênhx tso tiz nênhs đhâu cêr tsiv txov, viv cêr phir phaz ntơưv pêx xênhv.