Ciaz tâu kriz hâur 2 hnuz (1-2/9), đros trâu têx txux chi, sênhr chêr, thể thao hair nênhs tsơưs, têx zav txux uô lov jêv iz txưv muôx, li: Truz hluô, ntâuk tux luz, yuôz kênhx, tuôr nduôr, por poz, ntâuk bóng…

Txos trâu Ciaz shông no, pêx xênhv thiaz kruô nuôv zax tâu ndis shuôk, zuôr hax huv kôngz lông, têx chuôz zênhx hâur thax tsav, hax huv OCOP, hax huv jông ntơưv têx xã tox siaz, li: Txir tuôz ziz, kok tsư ha, điz njuôz, chơưr poz cưk, kaiz đuz graix zos pêx xênhv nhoz têx xã tox siaz chos, tu tâu; siv nox têx hno nox kaz tox siaz zos pêx xênhv hair nênhs tsơưs ntias tus; ndis shuôk, zuôr hax huv ntơưv têx ciaz muôs cxuô zav pax ntâuz, tsôngk hnar hair nênhs tsơưs, chuôz zênhx; tâu côngv têx txux chi, sênhr chêr, thể thao thiaz têx zav txux chi iz txưv muôx.

Ciaz tox siaz Co Mạ zos hâux lưv tâu kriz tsik tsês ndax trâu hnuz Tsa tâu têz qơưk xiaz 2/9 yênhx shông, chia fuô, kria txos trôngx têz, tiz nênhs thiaz cxuô zav txux chi jông ntơưv pêx cxuô hair nênhs tox siaz Co Mạ; đros ntơư muôx ntâu zav txux chi, thể thao, cêr lax luôv, nuôv zax; muôx cêr siz khov muôs têx hax huv, kôngz lông jông hâur thax tsav trâu kruô thiaz cêr luôv, paz iz phênhv tưs cxơưz huôv tsar nhiax txiax puôk tsar zav, cxơưz paz pêx xênhv luz nênhx cov tâu jông đuô.