Hâur jias so, thôngz tỉnh tưz tok tâu 385.000 lưv lênhx kruô nuôv zax, hâur ntơư, muôx 3.760 lưv lênhx kruô ntiax têz. Tas nro têx kruô ntiar qơư pư nto 67.400 lưv lênhx, sir zôngv qơư pư ntơưv têx qơư so fênhx đraz nto 80%. Tas nro têx nhiax sâu tâu txix nuôv zax nto 304 tỷ.

Ndax jias so, cxuô thax tsav thôngz tỉnh tưz nthuôr ntâu txux chi, thể thao thiaz nuôv zax. Lar haik mak têx cêr lov jêv hâur Tuần Txux chi - Nuôv zax Mộc Châu shông 2026 ntơưv yênhx ntu nthuôr txux chi li: Hmo nthuôr txux chi Pax ntâuz ntiax têz Sơn La “Ntok txux chi cxuô zav pax ntâuz”; Nthuôr txux chi “Mộc Châu - Suôz cưr cxiax tênhv chaix siz hluz”, côngv nthuôr txux chi tâus cêr, qar tsêr txux chi - Nuôv zax, tưr uô kar hno kaz…

Iz chas ntơư, cux iz cxix nthuôr ntâu cêr lov jêv, txux chi thôngz cxuô qơư, li: Hnuz nthuôr txux chi cxuô hair nênhs xã Tân Yên, Ciaz jok Dọi, Hnuz nthuôr txux chi Vân Hồ, nthuôr txux chi Tsiaz tsa tâu têz qơưk ntơưv trôngx têz gơưv niav txir A Phủ... Têx qơư nuôv zax nto mông li phố muk tơư Mộc Châu, har jôngr thur jok Áng, Hang Dơi, têx trôngz yuôx zêx, vax txir hồng thiaz Tà Xùa, Quỳnh Nhai, Phù Yên, Lóng Sập puôr lênhx tok tâu kruô nuôv zax chôngz, lov ntưk saiz hloz 81 shông Cách mạng luz 8 hli thiaz hnuz tsa têz qơưk xiaz 2/9.

UBPX cxuô xã, phường tưz cxênhz yuôx, hu mênhx gri têx hax huv, tsưx hưv truôx cêr nhaz xênhz, kar hno hur, phax tar hluôr tơưk cuz thiaz por hưv tâu cêr nyiaz hur. Cxuô qơư tok kruô, qơư nuôv zax puôr lênhx bax txâuk nênhs taz kruô, hax huv txâuk muôs trâu kruô sir zôngv, piar mênhx trôngx têz Sơn La nhaz xênhz, ndax ndênhk thiaz muôx cxix cxuô tsar txux chi.