Côngv cêr shir phaz, muôx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; nov chox car iz cxia sở, ban, ngành ntơưv tỉnh; Tổng Công ty Cxưx nhiax huôv tsar tsêr thiaz đrôngs Bộ Quốc phòng; nov chox car xã Chiềng Khương, Zênhx đriv têz trôngx lôngs Chiềng Khương, đros trâu cán bộ, cưk kria, nênhs uô hâux lưv thiaz shâuv xênhz niav thiaz txir, 1.050 lênhx shâuv xênhz hâur yar cơưv.

Yar cơưv Phổ thông nội trú Tiểu học thiaz THCS Chiềng Khương tâu piz uô trâu hnuz 22/10/2025 ntơưv jok Tân Hưng, đar yax 4 ha, tas nro zôngv tas 250 tỷ nhiax uô. Ntơư, zos 1 luz yar cơưv hâur tas nro 13 luz yar cơưv phổ thông nội trú liên cấp thax tsav đriv têz ntơưv tỉnh Sơn La tâu Trung ương muôz nhiax uô, chia choz kria nênhs txơưx njê lês hâux lưv tsưx hưv cêr nhaz xênhz têz qơưk thax tsav đriv têz. Đhâu 9 luz hli trâu siaz njo uô tsik so, tưz uô tiar, muôx 30 qar tsêr, tsêr bộ môn, tsêr hiệu bộ, tsêr nhoz, tsêr mor, pak luôv đêx, yar tiax thể thao, tsêr zôngv ntâu zav thiaz cxuô zav, paz shâuv xênhz muôx txâuk qơư nhoz, cơưv shâuv jông.

Jias no, têx đại biểu, cán bộ, cưk kria thiaz shâuv xênhz tưz siz chos saiz têx hâux lưv kriz shông cơưv yiaz cias sâuv VTV1; tâu mnôngs đồng chí Tổng Bí thư, Chủ tịch têz qơưk nhênhv ntơưr phôngv shông cơưv yiaz ngành choz kria.

Ntơưv jias kriz shông cơưv yiaz, têx đồng chí nov chox car tỉnh, hlôngr njêx muôs cxuô sở, ngành, tsôngv tuz lênhv thiaz nov hâu ntơưv thax tsav no tưz txiar ntâuz txênhv tsêr yiaz, zok lok zôngv. 

Jias no, đồng chí Cuôv Xênhv Tsaz haik mênhx têx tsưr cxưx nhiax, đơn vị lênhk uô, cấp ủy, nov hâu thiaz pêx xênhv tưz sir jos njok uô tiar yar cơưv trơưk tuôr xav. Đồng chí cxiz cov yar cơưv saiz car, zôngv yar cơưv nhaz xênhz; cxiv tsa yar cơưv cov yênhx “luz tsêr nhoz tiv oz” trâu shâuv xênhz; tror hlôngr yiaz hâux lưv kria thiaz cơưv, uô jông choz kria cêr txơưx njê, cêr uô nênhx thiaz tsưx hưv têx txux chi jông cxuô hair nênhs. Vax tsê, yar cơưv thiaz nov hâu hâur thax tsav đros tsôngv tuz lênhv siz chos saiz car, tu, choz kria shâuv xênhz; tsưx hưv cêr nhaz xênhz hâur yar cơưv thiaz chênhr phax phax tar ntux nas hiav.

Ndax no, Yar cơưv Phổ thông nội trú Tiểu học thiaz THCS Chiềng Khương thiaz Zênhx đriv têz trôngx lôngs Chiềng Khương tưz cir ntơưr siz chos luz lês hâux lưv saiz car, choz kria shâuv xênhz thax tsav đriv têz. UBPX  xã Chiềng Khương kruôk têx paz nênhs, tus khênhx lês tâu hâux lưv jông hâur ntu uô Yar cơưv.

Uô kaz têx hâux lưv txênhv tsêr têx đại biểu tưz chos ntông saiz đaz muôs ntơưv yar puôv yar cơưv; cán bộ, cưk kria thiaz shâuv xênhz siz chos nthuôr txux chi, thể thao, uô lov jêv saiz hloz shông cơưv yiaz.