Têx hâux lưv saiz hloz hnuz Tsiaz tsa tâu têz qơưk shông no tâu xã Lóng Sập tso yar nthuôr ntâu txux chi li: Truz hluô, lâuz cênhv, tưr tuôr nduôr, ntâuk tux luz, laiv poz, haik cưr cxiax, sênhr chêr zos têx suôz cưr cxiax, nthuôr txux chi Hmôngz, Puôz Ziz, Puôz Thơưx, têx paz nênhs nthuôr cêr lov jêv cxuô luz jok chox tuôx nthuôr trâu sơưr đơưk saiz.

Iz chas ntơư, txix hnuz 31/8, xã Lóng Sập tưz kriz “Ciaz tox siaz đriv têz” muôx yax 200 qar thaz nzưr, muôs tsôngk yo pax ntâuz, têx hax huv zos pêx xênhv têx kôngz lông, têx chuôz zênhx sir zôngv Thaiz, Lok Tsuôk, kar hno cxuô hair nênhs… Muôx 7 qar tsêr thaz nzưr txux chi têx jok đriv têz tưz chox têx txux chi jông tuôx nthuôr kria trâu kruô, muôx yênhx cxênhz lênhx kruô thiaz pêx xênhv nhoz oz saz đriv têz tuôx côngv thiaz ndis nuôv zax uô si.

Xã Lóng Sập muôx 14 luz jok, zos 6 hai nênhs thôngx siaz nhoz uô cê, muôx yax 30 caik cêr đriv têz, muôx trôngx lôngs Ntiax têz puôz trâu têz qơưk Lok Tsuôk. Têx hâux lưv siz njiz siz chos nthuôr txux chi, thể thao, tâu xã Lóng Sập tso yar trâu tsôngv pêx xênhv nhoz đriv têz cov muôx cêr lov jêv ndax jias saiz hloz hnuz tsa têz qơưk 2/9, cov pêx xênhv shir phaz, cuz siaz siz tưr uô nox uô hâuk, siz chos por hưv têx txux chi jông cxuô hair nênhs, siz paz por hưv truôx đriv Têz qơưk.