Iz paz tưr bax 1 trôngx hno tiar ntơưv yênhx thax tsav. Txox chai xav ntov chai txos cêr sir zôngv têx zav uô tơưv kaz, pâuz qơư uô tơưv, xuz chia kôngz lông muôx txơưv ntơưv thax tsav thiaz chok nxiak hur. Trôngx hno tsuv bax têx zav tsư ha, txơưz tênhv tso jông, txơưx xav taz sik cux tsưx tâu faz uô trơưk cênhz cưv. Hâur 6 phênhz, nênhs hlôngr yênhz paz piar kria haik tsênhz lưv ciz, nux gri txux chi thiaz txiax njis yênhx zav kar nox chia Ban giám khảo tso điểm.

Jâus tưr njôngr têx kar nox jông saiz thiaz xik ndâux. Cxuô trôngx hno tâu tu uô jông đros têx zav nox zos txux cxuô zav nênhs Poz Ziz, Hmôngz, Cho, Mêx Jênhx... li njêk cxiaz, mor blâuv chuz tsiz zav xiv, kaiz cxiaz shơư shaz txoz, caz puôz buô, cuô njuôs... Têx siz tor kar nox no đros cxuô zav txux lov (shaz txoz, nôngz dổi, blôngx mắc mật) đros cxaik têk txơưx ntơưv tsôngv pêx xênhv tưz uô tơưv têx trôngx hno tsik zos tsư ha xưz, tsênhv jông saiz đros cxuô zav txux chi.

Jâus tưr saiz hloz, tsưx tsês thiaz nqa muk đêz đar nux gri txux chi kar nox cênhz cưv ntơưv tsôngv pêx xênhv cxuô zav nênhs Sơn La. Iz zav kar nox zos iz jax thav muôx txus đros đảiv cêr nox nhoz đaz kruô, jâus gruôv pax lok sik nox nhoz yênhx hnuz ntơưv tsôngv pêx xênhv. Đhâu Jâus tưr, tiz nênhs Sơn La-Tây Bắc ndax ndênhk, nhiav kruô, đros têx kar nox cxuô zav tâu yâu mông muk đêz đar, paz muôz kar nox yênhx huv nuôv zax, gruô hu tâu kruô nuôv zax tuôx trâu Sơn La.