Nhoz siaz đuô blaiv đêx hiar txưr yax 1.600 thiar, xã Tà Xùa muôx ntâu tox trôngz hâur pêk, têx qơư nuôv zax jông, li: Chax trôngz khủng long, mỏm njêk heo, tsoz ntông nhoz iz lênhs lok sik lax trôngz njuôz xiaz,  qơư huôz pư har Khe Cải, trôngz chuô, trôngz yuôx zêx Shan tuyết lâuk... 

Nhiv no, hur si xã muôx 148 ziv nênhs uô luôv tsưr ziv nuôv zax, hâur ntơư muôx 88 ziv nênhs uô luôv tsêr so jêx jok, paz bax txâuk qơư trâu 3.000 lênhx so hâur hnuz hmo. Têx qơư uô luôv tsêr so, tsêr kruô tưz moz siaz cxưx nhiax cxiv kho, uô yiaz vax tsêr, cêr muk lok, nthuôr têx cxiax cxênhv haik cưr cxiax, hâux lưv ndis shuôk tuôr nduôr blêx, đhia kênhx Hmôngz, đê njik yuôx zêx...paz chơư chôngz kruô tuôx shuôk thiaz nuôv zax trâu Tà Xùa.

Têx hnuz so Tsa tâu têz qơưk shông no, xã tsênhv nthuôr ntâu hâux lưv txux chi- nuôv zax jông, li: Cxiax cxênhv hmo haik cưr cxiax “ Tà Xùa muôx ntâu xiv – Chaix ntux lax tiax tuk thax zênhz luz suôz” tâu kriz hmo xiaz 1/9;  Hnuz grâuv pax Tsa tâu têz qơưk jâus tiv 2 thiaz Kriz chaix Nuôv zax shông 2026- 2027 zuôr tâu kriz hâur hnuz xiaz 2/9, paz gruô hu chôngz kruô tuôx shuôk trâu Tà Xùa hâur têx hnuz so, đros ntơư, tsênhv kria têx kruô đêz jê pâuz thax tsav têx tox trôngz hâur pêk, txux chi jông.