Jias no muôx têx đồng chí: Nguyễn Minh Tiến, Phó Chủ tịch UBPX tỉnh; Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; thơưx car cxuô sở, ban, ngành ntơưv tỉnh thiaz Thường trực Đảng ủy têx thax tsav muôx txox cêr yêz muk chênhr muk đhâu. 

Txox cêr yêz muk chênhr CT03 đhâu thax tsav tỉnh Sơn La ntêr 179,55 km, muk đhâu 18 xã, phường (hâu txox cêr yuôv Cêr lox 43 ntơưv phường Vân Sơn, txuôk txox cêr yêz muk chênhr Hòa Bình - Mộc Châu; kror cơưs txox cêr nhoz puôz tỉnh Điện Biên, txuôk trôngx lôngs Tây Trang). Hâur ntơư, ntơưv xã Mai Sơn, ntêr 23,97 caik cêr muk đhâu 16 thôn, jok, tiểu khu; tuôr thênhv txos 1.650 ziv nênhs đros thax ar thuk đar yax 187 ha; 150 ziv nênhs tsuv bax qơư nhoz yiaz. Ntơưv xã Chiềng Mung, ntêr 6,2 caik cêr, thax ar thuk taz tov tâu cxênhz yuôx, kho hlôngr; tsov xav 3 ziv nênhs mas tuôr thênhv txos zuôr bax yaik qơư nhoz yiaz lok sik nhoz shơư. 

Xã Mai Sơn thiaz Chiềng Mung khov tỉnh tsik tsês lês jông côngz xưv cxênhz njuôk, uô tiar ntâuz ntơưr dự án; tsik tsês tso đơn vị chuyên môn txơưx uô hâux lưv paz thax tsav njuôk tsov, suôr, cxênhz mênhx hâur pâuk ar thiaz cxiv tsa tsưr ziv thêv nhiax ar shôngz ntông. Tsov xav bax nhiax pênhr trâu hâux lưv yaik qơư nhoz yiaz; nzor tso chai cxiv puôz têx jok yiaz; côngz xưv tsov xav qơư por tsês khâuz nhaz, kror qơư khơưz poz jêz, khơưz ar.  

Fuô luk jias uô hâux lưv, đồng chí Lò Minh Hùng haik mênhx: Xã Mai Sơn thiaz xã Chiềng Mung tsuv tsov xav côngz xưv thêv nhiax ar shôngz ntông, yaik qơư nhoz yiaz Dự án CT03 zos hâux lưv chính trị zov chênhr, zos jias huôv tsar nhiax txiax- xã hội chia moz siaz chox car; zênhx max cxiv tsa Ban chox car thêv nhiax ar shôngz ntông, yaik qơư nhoz yiaz cấp xã; cxênhz yuôx hâux lưv sir zôngv ar, chuôz tav, tsov xav ntơưv têx qơư muôx txox cêr yuôv, qơư por tsês khâuz nhaz; cxiv puôz jok yiaz trâu têx ziv nênhs mas thuk ar; saiz car ntov nti cxiv puôz nhaz xênhz, tsik chia pov yưv têx txuz nav ntus cêr chia cxiv puôz thiaz chos ntông tsik zos chai.

Đồng chí zok trâu Đảng ủy UBPX tỉnh chox car tu tiar tâu sai têx cêr khov ntơưv oz xã, fuô lês tsov xav thiaz muôz ntơưr muôx vax huôv khơưz têx chuôz zênhx cxiv puôz paz trâu dự án nhav nxias zênhx max, tsik chia pov yưv têx jias tsik muôx txâuk chuôz zênhx cxiv puôz muôs. Ban Saiz car dự án cxưx nhiax cxiv puôz têx txox cêr muk lok hâur tỉnh tror đros UBPX têx xã chia thôngz ndâux luk, kria pâuz têx cxênhx cxênhv lok sâuv txox cêr yuôv, cêr txuôk, jok yiaz, kror qơư khơưz chuôz zênhx cxiv puôz thiaz qơư por tsês khâuz nhaz thâuv fuô lês dự án. 

Uô ntêx no, đồng chí Phó Bí thư Thường trực Tỉnh ủy, Chủ tịch HĐPX tỉnh đros Paz côngz xưv ntơưv tỉnh tưz muk cxênhz njuôk têx qơư tsov xav txox cêr yuôv txuôk txox cêr yêz muk chênhr, qơư por tsês khâuz nhaz, jok yiaz hâur thax tsav xã Chiềng Mung thiaz xã Mai Sơn.