Ntơưv jias cơưv, Ban Saiz car têx qơư công nghiệp tỉnh tưz piar mênhx hâux lưv; phênhv shuôv ntơưv Ban; khov cov yôngv pênhr xưv thiaz huôv tsar Ban Saiz car têx qơư công nghiệp. Nhiv no, Ban Saiz car muôx 2 phòng tổ chức thiaz 1 đơn vị xưv cxênhx têz qơưk, zos: Văn phòng; phòng Saiz car Cxưx nhiax, Cxiv puôz thiaz Môi trường; Trung tâm lax luôv, Kria uô cêr puô tsar zav ntơưv têx qơư công nghiệp.

Trơưk phênhv shuôv tâu zok, nov chox car Ban Saiz car têx qơư công nghiệp tỉnh đros cxuô sở, ban, ngành thiaz nov hâu uô jông lês côngz xưv yêv qơư, cxưx nhiax uô vax tsê, cêr puô tsar zav thiaz gruô hu pênhr; cov têx tsêr luôv cxưx nhiax uô dự án, uô lax luôv têx qơư công nghiệp. Côngz xưv gruô hu pênhr tror tâu lês siz luôs, hâur ntơư tsi njênhk gruô hu pênhr têx tsưr cxưx nhiax uô thax qơư công nghiệp Mai Sơn, fiv huv têx zav muôx txơưv ntơưv tỉnh lar haik mak tu kôngz, đros trâu huôv tsar ntâu hax huv uô cê; txos nhiv no 90% nduô đar thax qơư công nghiệp tưz tâu yêv. Hâux lưv uô lax luôv thax qơư công nghiệp Mai Sơn truôx njês thiaz huôv tsar; iz cxia dự án khov cov kho, kriz đar uô cov tsar ntâu. Txos nhiv no, thax qơư công nghiệp Mai Sơn ntu I tưz sâu tâu 49 tỷ 680 triệu nhiax trâu têz qơưk, paz yax 265 lênhx pêx xênhv hâur thax tsav muôx hâux lưv uô tsik tu nduô, iz tus nênhs sâu tâu 7 triệu 500 cxênhz nhiax/hli.

Tuôr xav huôv tsar têx qơư công nghiệp hâur thax tsav tỉnh, trơưk njuôk tsov tỉnh Sơn ntu 2021 - 2030, xav txos shông 2050 tâu Thủ tướng Chính phủ cir ntơưv Quyết định số 1676/QĐ-TTg hnuz 25/12/2023, Chủ tịch UBPX tỉnh tưz cir kho ntơưv Quyết định số 568/QĐ UBPX hnuz 27/2/2026, tỉnh Sơn La muôx 7 thax qơư công nghiệp. Ntu 2026 - 2030: Tror uô cov tiar cêr, vax tsê puô tsar zav thax qơư công nghiệp Mai Sơn, đar 150 ha; huôv tsar têx qơư công nghiệp Tân Yên, Yên Châu. Ntu 2031-2050: Huôv tsar têx qơư công nghiệp Chiềng Khương, Chiềng Hặc; nzir 2 thax qơư công nghiệp yiaz, zos Tà Hộc thiaz Phù Yên.

Ntơưv jias uô hâux lưv, têx đại biểu tưz tsi njênhk saz lax, haik mênhx tiv li chak ho phiv liv thiaz đơưk têx cêr phiv liv uô têx ntơưr tso chai cxưx nhiax, yêv qơư, gruô hu pênhr, uô têx ntơưr hành chính, yôngv pênhr xưv saiz car, chox car ntơưv Ban saiz têx qơư công nghiệp... 

Câuk luk jias cơưv, đồng chí Chủ tịch UBPX tỉnh haik mênhx gruô hu pênhr uô nox ntơưv têx qơư công nghiệp chia chuôz jos cov muôx hâux lưv cias ntơưv qơư trâu pêx xênhv uô, sâu nju nhiax txiax, cxơưz nhiax txiax - xã hội huôv tsar.

Chia cov lês tiar têx hâux lưv tưz xav, Chủ tịch UBPX tỉnh cxiz Ban Saiz car têx qơư công nghiệp tỉnh tror paz max têx tsêr luôv cxưx nhiax cov zôngx ziv xair tâu qơư, uô sai têx ntâuz ntơưr, yêv qơư thiaz uô lax luôv. Cxênhz tas nro têx cêr chai trơưk đraiv chai chia khov tỉnh tso chai gruô hu têx tsêr luôv cxưx nhiax; zênhx max cxênhz têx nênhs uô hâux lưv; cxuô sở, ngành nzor fuô chai siz chos lês mênhx hâux lưv, hâur ntơư xav mênhx ntu uô hâux lưv, đros đraiv phênhv shuôv tus khênhx trơưk yênhx zav hâux lưv tâu zok.