Lês Luk fuô kria Câuk luk số 81-TB/TW hnuz 18/7/2025 ntơưv Bộ Chính trị lok sâuv cêr xav cxiv tsa puôz yar cơưv trâu têx xã đriv têz, xã Phiêng Khoài tưz muk njuôk saiz qơư tiax thiaz xair qơư cxiv puôz dự án ntơưv Yar cơưv THCS Phiêng Khoài nhiv no, đros trâu qơư đar 4,9 ha, xav hur nhiax cxiv tsa nto 150 tiv đaiv. Xav yar cơưv fiv huv cêr khov cơưv ntơưr, nox nhoz trâu li 1.000 lênhx shuv xênhz cơưv.

Yar cơưv phổ thông Nội trú liên cấp tiểu học - THCS xã Phiêng Khoài zos qơư piz uô xuz thơưx hâur 13 yar cơưv nội trú liên cấp zuôr tâu cxiv tsa puôz ntơưv tỉnh Sơn La; tsov xav zuôr piz puôz trâu hnuz 19/8/2025. Txos nhiv no, UBPX xã tưz tuôr xav qơư kriz piz puôz dự án; lês cxênhz yuôx, cxênhz txos têx zav chuôz tav Yar cơưv THCS Phiêng Khoài chia fuô lês côngz xưv muôs pôngz gri, yêv qơư tiax chia uô dự án; tuôr xav tso hur si têx shuv xênhz ntơưv Yar THCS Phiêng Khoài shông cơưv 2025-2026 mul cơưv trâu yar cơưv Tam Thanh zos Yar cơưv Tiểu học Kim Chung saiz car; so uô mor nox trâu shuv xênhz.

Ntơưv jâus uô hâux lưv đros xã Phiêng Khoài, đồng chí Nguyễn Đình Việt cxiz cov xã đros côngv jông đros têx sở, ngành, zênhx max bax cxix cxuô têx zav chok nxiak kriz jâus piz cxiv puôz trâu hnuz 19/8; tuôr xav ar bax tsês lês cxiv puôz têx tsar zav tsik nhoz hâur dự án; tsik so fuô kria UBPX tỉnh cêr lês thiaz têx cêr chor nhov khuôv đais thâuv fuô lês. Chok nxiak kriz tâu jông hâux lưv kria thiaz cơưv ntơưr trâu tuz cơưv Yar cơưv THCS Phiêng Khoài hâur ntu cxiv puôz tsêr cơưv; sir jos côngz xưv fuô kria lok sâuv cêr xav cxiv tsa dự án, muôx cêr côngv siaz tias ntơưv tsôngv pêx xênhv, niav txir thiaz tuz cơưv.