Jias no muôx têx đồng chí: Thiếu tướng Nguyễn Hồng Thái, Phó Chính ủy Quân khu 2; Vi Đức Thọ, Ủy viên Ban Thường vụ Tỉnh ủy, Chủ tịch Ủy ban MTTQ Việt Nam tỉnh; Lê Hồng Minh, Phó Chủ tịch UBPX tỉnh; thơưx car cxuô sở, ngành ntơưv tỉnh thiaz pêx xênhv xã Chiềng Sơ.

Uô trơưk câuk luk ntơưv Thủ tướng Chính phủ thiaz chox car ntơưv Bộ Quốc phòng, Quân khu 2 tưz đros tỉnh Sơn La siz chos fuô lês hâux lưv paz cxiv kho, uô yiaz tsêr nhoz trâu têx ziv nênhs mas ntux nas ruôr hiav saz. Trơưk ntơư, 52 ziv vax tsêr mas đêx cuôr tas hur si tâu paz uô yiaz tsêr nhoz, 279 ziv tsuv yêv muk nhoz đuô kror qơư thiaz 90 ziv vax tsêr piav tas nhoz têx xã: Chiềng Sơ, Huổi Một, Mường Lạn, Sốp Cộp, Bó Sinh, Mường Lầm tâu paz uô tsêr nhoz.

Trơưk ntơư, jâus 1, zuôr piz uô cov tâu 52 luz tsêr, tsov xav zuôr uô tiar hâur luz 9 hli shông 2025. Đuô li, uô yiaz 279 luz tsêr viv yêv muk nhoz đuô kror qơư thiaz cxiv kho 90 luz tsêr puôk tsuôx tror tâu cxiv puôz hâur ntu 2.

Têx luz tsêr yiaz txâuk chai 3 khor, li: Kuô tsêr khor, đros tsêr khor thiaz trur tsêr khor, đar 56m²/tsêr, siaz txix 3,6-3,9 thiar. Xav iz luz tsêr uô yiaz tâu paz 100 triệu nhiax; tsêr cxiv kho tâu paz 30 triệu nhiax. Txix nhiax Ban Gruô hu Paz têx nênhs tỉnh Sơn La thiaz têx nhiax paz zos chai txơưr.

Chia uô tiar zos hnuz nhôngs tênhv, Quân khu 2 zok trâu Bộ CHQS tỉnh chox car, siz chos cxiv tsa tsưr ziv fuô lês ndax ndênhk, mênhx pêv, tsik xuôv nhiax txiax; hâur ntu cxiv puôz tsuv nhav nxiak nhaz xênhz, tsik so zaz zâuv chia chox tâu pêx xênhv kror jông siaz côngv đros uô.

Ndax jias no, thơưx car Quân Khu 2 tưz krưr 14 hnaz huv trâu têx ziv nênhs mas ntux nas hiav.