Hâur têx shông đhâu, Đảng ủy, Ban Giám đốc Công an tỉnh puôr lênhx moz siaz chox car cxiv tsa têx qơư lês tâu jông hâux lưv por hưv thax tsav nox nhoz njias to hâur cxiv tsa jêx jok yiaz, cêr siz tưr Hur si px por hưv têz qơưk nox, nhoz njias to thiaz côngz xưv plias pêx xênhv hâur tsôngv Công an Sơn La.

Xav txos hnuz xiaz 1/5, hur si tỉnh muôx 80 kror qơư lês tâu jông hâux lưv Hur si pêx xênhv por hưv têz qơưk nox, nhoz njias to hâur têx cơ quan, đơn vị, thax tsav; cxiv tsa, tsưx truôx 50 kror qơư “Txơưx plias pêx xênhv” hâur cxuô faz. Txix shông 2021 txos nhiv no, đhâu têx qơư lês hâux lưv ntơư tưz zaz zâuv tâu yax 40 tỷ đaiv nhiax, tsôngv công an lês yênhx puô lưv muk trâu thax tsav chia paz pêx xênhv huôv tsar nhiax txiax, xã hội thiaz tu, saiz shuôk 34 lênhx mê nhuôv njiz ntâu cêr phiv liv chia cov luz nênhx iz thênhv jux juk tâu jông đuô, cxơưz paz cxiv tsa têx đuôz jông ntơưv tsôngv Công an Sơn La trâu hâur pêx xênhv đruôz siaz.

Ndax jias no, Bộ Công an côngk nhav Công an phường Chiềng Cơi, Thành phố zos Công an phường lês hâux lưv trâu sơưr đơưk cơưv shâuv lok sâuv por hưv thax tsav nox nhoz njias to shông 2024, muôz ntơưr kruôk trâu 1 tus khênhx; Cục trưởng Cục Cxiv tsa cêr siz tưr por hưv njias to têz qơưk muôz ntơưr kruôk trâu 1 paz pơưs, 2 tus khênhx; Giám đốc Công an tỉnh muôz ntơưr kruôk trâu 9 paz pơưs, 19 tus khênhx lês tâu hâux lưv jông.