Dự án uô qơư tso đêx thiaz liv đêx kiak nênhs thành phố Sơn La zôngv nhiax ODA ntơưv Chính phủ Cộng hòa Liên bang Đức. Dự án xav uô tas 923,4 tỷ nhiax; hâur ntu cxiv tsa uô txix 2012-2025. Xar têx qơư muôz uô li: Tsêr liv đêx kiak nênhs tâu 6.857 thiar xưv phaz xưv mênhv/hnuz hmo; 7 kror qơư gruk đêx, xav têx qơư gruk tâu txix 67 thiar xưv phaz xưv mênhv/six - 780,98 thiar xưv phaz xưv mênhv/six; têx car gruk đêx kiak nênhs cấp 1, 2, 3 thiaz car gruk đêx ntâu, xav ntêr txos 75,2 caik; muôx car đêx txuôk chaz txos mạng cấp 3 đros trâu 8.900 zis; kho têx cưx trâu đêx nas ntưk đêz txos 2,5 caik; cxiv kho têx cêr yêz hâur đrôngs xav đêz txos 8,3 caik. Nhiv no, cxuô kror qơư tưz uô tiar, muôz lol zôngv, fiv huv trâu cêr tuôr xav thiaz lês jông têx zav muôz nhiax lol uô.

Njuôk xav zuôr kriz fuô uô tiar Dự án trâu hnuz 19/8 ntơưv Tsêr mair liv đêx kiak nênhs thành phố Sơn La (jol Tông, phường Chiềng An).

Tov kaz mul cxênhz yuôx thiaz đros Ban Saiz car dự án ODA tỉnh uô hâux lưv, đồng chí Chủ tịch UBPX tỉnh tưz haik: Ntơư tsik zos cxênhx xưv chính trị, xã hội zov chinhr, mal tsênhv zos muôz nhiax uô cxuô zav cov đrôngs jông, hlôngr yiaz muôx liv trâu cêr nyiaz hur ntơưv tỉnh Sơn La. Cxiz Ban Saiz car têx dự án ODA tỉnh cov tror đros têx sở, ngành, bax cxuô zav, qơư, por hưv cêr njiaz to chia jâus kriz tâu trơưk li tuôr xav, muôx liv, txuôs nhiax txiax.