Trơưk UBPX xã Huổi Một, coz nas hloz pov yưv hâur thax tsav xã txix hnuz 26 txos hnuz xiaz 1/8, tưz uô trâu 179 ziv nênhs nhoz hâur 23 jok luz tsêr piav tas. Hâur ntơư, 43 ziv nênhs luz tsêr vâu thiaz mas đêx cuôr tas hur tiz si; 23 ziv nênhs mas ar poz cxuz tsuv yêv cias trâu đuô kror qơư; 98 ziv nênhs nziv ar poz cxuz tsuv yêv cias tav siv; 15 ziv nênhs mas ruôr hiav iz phênhv zuôr luôs 30%. Pov yưv têx caz tơưs plêz ntơưv têx jok Nậm Pù, Cang Cói thiaz Chả Huổi.

Txox cêr Huổi Một - Nậm Mằn (kuz) ntêr 21 km, muôx cxuô txox cêr muk lok hâur jok, ntâu luz jok mas ar poz cxuz, uô trâu tiz nênhs muk lok tsik tâu. Đêx cuôr 1 tus qox bê tông thiaz poz cxuz, sưz iz cxia luz yar cơưv thiaz tsêr cơưv jêx jok hâur thax tsav...

Cias tov kaz coz nas hloz muk đhâu, xã Huổi Một tưz gruô hu tsôngv nênhs cias ntơưv qơư, yêv tiz nênhs muk nhoz đuô kror qơư; paz cxur nox, đêx hâuk trâu têx ziv nênhs mas hiav...Nhiv no, ntâu txox cêr muk đhâu xã, li: Cêr lox 4G, txox cêr Huổi Một-Nậm Mằn (kuz), Púng Khương- Nậm Mằn muôx yênhx châuv ntu cêr ar poz cxuz, muk lok tsik tâu.

Cxênhz yuôx cxuô luz jok, đồng chí Nguyễn Thành Công cxiz cov xã Huổi Một gruô hu têx tsôngv nênhs cias ntơưv qơư moz siaz đơưk cêr phiv liv tiv ntux nas hiav; cxiv tsa tsưr ziv đơưk cêr phiv liv tiv ntux nas hiav trâu têx yar cơưv, tsêr cơưv jêx jok; paz cxur nox, đêx hâuk trâu pêx xênhv têx jok nhoz đêz đrôngs xã tsênhv muk lok tsik tâu, tsik chia tus nênhs tưs yaiz plaz. Cxiv tsa paz nênhs jor trơưr hâur yênhx hnuz cxuô hmo; zênhx max  đơưk tâu sai têx cêr txơưr txar. Bax txưv cxix cxuô kar nox uz no chia tir tar coz nas hloz tsov xav zuôr pov yưv đêz đar txix hnuz xiaz 4 txos xiaz 8/8 zuôr txos no.