Dự án uô cêr yêz txix ntơưv tiểu khu 26/3, xã Cò Nòi txos trâu tiểu khu 10, xã Hát Lót ntêr 8,34 km, hur si nhiax lês tas 500 tỷ đaiv, muôx 481 zis nênhs, paz pơưs, tus khênhx nhoz hâur dự án zuôr tsuv yaik nhoz đuô qơư yiaz. Txos nhiv no, tưz lês tiar hâux lưv tso chai lês tsưr ziv muôz nhiax chia yaik 328 zis, nhiax tas yax 102 tỷ đaiv. Cxuz thiaz khơưz tâu 5,8 km cêr thiaz iz cxia hâux lưv txơưr, xav hur si nhiax lês tâu zuôr luôs 50%.

Tov kaz cxênhz yuôx, đồng chí Bí thư Tỉnh ủy cxiz cov huyện Mai Sơn moz siaz cxiz tsêr cxưx nhiax bax jông tiz nênhs, mair, chuôz zênhx chia lês cov tâu hâux lưv sai; kriz cxênhz têx qơư tưz lês tiar, zênhx max yaik têx pêx xênhv tsik tâu muk nhoz qơư yiaz.Chox car UBPX thị trấn Hát Lót thiaz xã Cò Nòi cxênhz yuôx ar trâu 21 zis tsik tâu cxênhz. Tror moz siaz fuô kria, zaz zâuv têx zis tưz tâu tso chai lês, taz sik tsik tâu nhav tâu nhiax cxơưz paz. Saz lax sâu têx ar tsik jông siaz sâu chia sâu ar tror kaz chia lês hâux lưv. Cxiz cov UBPX tỉnh saz lax  tuôr xav mênhx pênhr lês hâux lưv shông 2025 chia UBPX huyện muôz trâu têx zis nênhs tov kaz tưz tâu tso chai paz chia yaik nhoz đuô qơư yiaz.