Tuôr xav Ciaz tox siaz, đriv têz huyện Yên Châu tâu kriz ntơưv xã Phiêng Khoài txix hnuz 31/8-2/9/2024. Côngv jias kriz ciaz shông no muôx 6 xã tox siaz, đriv têz: Phiêng Khoài, Chiềng Tương, Mường Lựm, Lóng Phiêng, Yên Sơn, Chiềng On thiaz iz cxia jok saz têz qơưk Lok Tsuôk.

Jias kriz ciaz muôx txix 20-30 qar hax huv, fuô kria thiaz muôs têx hax huv txơưr hlo ntơưv thax tsav tox siaz, đriv têz li: Tsôngk hnar, kak nox, têx hax huv Việt… Hâur jias kriz ciaz, tsênhv kriz têx hâux lưv nthuôr txux chi, sênhr chêr, têx cêr uô si li: Lâuz pak, truz hluô, ntâuk tux luz, ndơưk bóng…

Hâux lưv kriz ciaz chia cxơưz paz fuô kria hax huv ntơưv thax tsav, paz huôv tsar uô lax luôv thiaz nuôv zax thax tsav tox siaz, đriv têz; paz trâu pêx xênhv cxuô hair nênhs oz saz đriv têz siz chos cơưv shâuv txux chi, sênhr chêr, por hưv thiaz nthuôr huôv jông txux chi cxuô hair nênhs.