Jias grâuv pax kriz muôx 2 phênhv: Jias uô tsâus txos xênhz têz, xênhz qơư thiaz jias grâuv pax. Ntơưv jias uô tsâus, zos nênhs tâu pêx xênhv njênhs ntơưv jok lês têx cêr đaz kruôk uô tsâus txos xênhz têz, xênhz qơư, ndo txos têx anh hùng txiax njis cxiv tsa jêx jok; zos pêx xênhv txox cêr chia siaz zuôr muôx iz luz shông huôz chuô fiv huv, uô tâu nox, tâu hâuk, pêx xênhv hâur jok tâu nox tsâu, hnar sor, shir phaz.

Jias grâuv pax tâu kriz ntâu têx hâux lưv siz tưr thể thao, li: Por poz, truz hluô, muk tơư nênhk, ntaik txir tsơưz, ria fuôv txiax, hiaz tơưz, tưr nthuôr hax huv txux chi, tuv hax huv jông txơưr hlo ntơưv zuk thax tsav; nthuôr txux chi ntâuk đruôk; haik cưr cxiax thiaz tưr uô kar nox xã Mường Khoa…Têx môn tưr tưz tâu kriz lov jêv ntưk, gruô hu tâu chôngz lênhx côngv cxơưz jos.

Yax hlo, ntơưv hmo kriz, pêx xênhv tưz tâu saiz tuôr têk sênhr chêr, đros trâu cêr côngv têk ntơưv 500 lênhx cưk txux, nênhs sênhr chêr, uô trâu têx nênhs saiz nhiav, ndo njôngr trâu txux chi sênhr chêr Poz ziz ntơưv xã Mường Khoa.

Đhâu jias grâuv pax, tưz fuô kria txos thax tsav, tiz nênhs xã Mường Khoa haik khênhx, cxơưz paz huôv tsar nuôv zax, nthuôr huôv txux chi jông ntơưv cxuô hair nênhs huyện Bắc Yên haik tas nro. Đros ntơư, kruôk, por hưv, nthuôr huôv txux chi thiaz kror jông txơưr hlo ntơưv tsôngv hnar hair nênhs, nthuôr huôv jông têx txux chi, cênhz cưv tâu công nhav.

Suôx câuv jias grâuv pax, Ban tổ chức tưz muôz têx giải iz, oz, pêz thiaz cxơưz jos trâu têx paz tưr ntơưv 7 njiaz luk tâu kriz hâur jias grâuv pax.